لاجزى الله حمامه فوق الابراج ناحت=اشغلتني ولادري وشبلاها تنوحي
سامره ليلها في برجها ما استراحت=لو هي تندب لها حي لزوم بيوحي
ذكرتني بليال باول العمر راحت=قبل تظهر مغاتير توجهي تلوحى
اه يافرصه ضيعتها يوم تاحت=احسب ان الليالي الممتعه ماتروحي
كبدي الي تشادى دله يوم فاحت=سج عنها المقهوى فوق جمر تفوحي
رفت العين واذني خمس مرات=صاحت وقام قلبي يهوجس بالهنوف الطموحي
ان ذكرته ولو بيديني اوراق طاحت=حيث حبه مشاركني بعقلي وروحي
عنز ريم على عرق النفود استضاحت=جفله مع ضباب الصبح حس السروحى
وعين شيهانه راجت بحو وماحت=خمرن الحبارى يوم جتهن تموحي
كل الاسرار لك يا صخيف الروح باحت=وان حكولي بغيرك ماني باسمع ولا اوحى