مجالس الرويضة لكل العرب - عرض مشاركة واحدة

#1 (**permalink**) 19-01-2007, 03:25 AM

نص متفرد بالجمال ...كتبه بكل تلقائية ... ولادة البيت الاول ...كانت بعد مشاهدته موقف ... ايقن من خلالة ان ... المساحه تضيق اذا تضاقت الارواح ...
اترككم مع بعض نزفه .. ومحسن الدويخ ...

الضيق ما هو بالســـعه ... و المســــاحه

الضيق لا ضاقت بـــك قلــوب و ارواح
..
.
.
والبعد عن ما تكره النفــــس ... راحــه

من لا تــوده ... فارقه يــــوم ... ترتاح
.
.
.
.
وتبســمك بوجيــه ربعـــك ... سمـــاحه

خلك بشــوش ... تعيش بــ أيامــك افراح

.
.
.
.
وحظك يعـــزك من يرفـــرف جنـــاحه

يجيــب من ودك يجــي لـــك ولو راح

.
.
.
.
والكبــــر لــلـــه ... والتكــــبر بجــاحه

والوقت نصه "جـد" ... والباقي "مزاح "
.
.
.
.
والصوت حشـــمه ... وارتفاعـه وقاحه

كذاب ... من قال انطــح صياح بصياح
.
.
.
.
والحب يبدل صحــراء الايـــام واحــــه

اذا حضر ... يلغــي مسافـــات وجراح
.
.
.
.
و أما الزعل ... لا بد تكبـــح جمـــاحه

اصبر تشوف ان الفــــرج بارقه ...لاح
.
.
.
.
والحق يثبت في كـــلام الصــــــراحه

مثل السمـــاء ما همها النجـــم لو طاح
.
.
.
.
بعض العيــون تشوف فيها ...شفـــاحه

ما كنها الا بس " نظـــرات الاشبــاح "
.
.
.
.
وعيــــون تاخذ هاجســـك لــ انشراحه

نظراتها تحنـــان ... والرمــــش ذباح
.
.
.
.
كم كحل ضم الشوق والدمع ... ازاحه

و ياما كحل يقعد له سنيـن ... ما ساح
.
.
.
.
ودنياك لو ضاقت بكـــل المســـــاحه

تلقى السعه والحب ...بقلوب وارواح
.
.
.
.
دمتم بود
.