شوقي جسد..يطعنْه خنجـر غيبتـك فـي كـل يـوم
واليوم مات الشوق..يعني شوف كم من يـوم غبـت؟
سبحان مـن خـلاك بـي موجـود وارداك مْعـدوم
شف كيف كنت بيوم سبت .. وكيف صرت بيوم سبت
هذي هـي الدنيـا .. لأيـاً كـان لا يمكـن تـدوم
فْما بالك بشوقٍ قبـل لا يمـوت يامـا منْـه ذبـت
ما اخطيت في حقّـك ولا بلْحقْـك بعـد اليـوم لـوم
بالعكس .. اشوف اني معك بالذات يوم اخطيت اصبت
القلـب بايـع .. والغـلا سلعـة .. وعذّالـي تسـوم
وانت اتظاهر بالرضى للبيـع وإلا انـت انغصبـت
خلك كذا.. كابر على حسابك يا معطـى و مْحـروم
الأرض لو جاها المطر ما امتصّته مـا شفـت نبـت
وانا لـك الله بعـد دفـن الشـوق عزّيـت الهمـوم
وشافت عوضها في دفا صدرك يـا مسكيـن انّكبـت
كنّي أشوفك بعد مـا اقفـي عنْـك تمسـح بالكمـوم
دمعٍ لو بكيفه يقول : إبْك إبْـك .. هـذا مـا طلبـت
أحسنت فيك الظـن ليـن الظـن جـا ويقـول قـوم
ما ضيّعك غيـر انـك لحقّـك مـن أيامـك سلبـت
وصدقي معك ما ذلّني والكـذب مـا عـزّ الرخـوم
وانا معـك صـادق لهاللحظـة ولا عمـري كذبـت
كان العطـش فقدانـي لزولـك .. والأيـام السمـوم
وشوفك لي الماءبس قبل اشرب على الأرض انسكبت
إلين قال اليـأس لآمالـي : تـرى الأمـر مْحسـوم
واستسلمت آمالي .. وسجيـت لحظـة .. وانطربـت
والله عطانـي ميّـزة .. تستخـدم بوقـت الـلـزوم
تكييف تفكيري ونفسيتي .. حسب مـا انـا رغبـت
هذا فقط عن ما حصـل بينـي وبينـك .. عالعمـوم
لا يروح تفكيرك على اني فزت وإلا انـت انغلبـت
الحبّ أسمى مْـن انـه يكـون لنزاعـات وخصـوم
وبعطيك بيت بصدره الواقع.. وعجـزه فيـه كبـت
إغسل يدك مني .. تراي ابعـد عليـك مْـن النجـوم
وانصحْك..عشْ لذّة ندمْك الموجـع لذنـب ارتكبـت