"طيفك العابر"
للشاعرة المتالقة ينابيع السبيعي
حبيب العمر .. ياحلـم الليالـي=يانبض الشوق .. ياكل الامانـي
الا يااجمل جوابٍ فـي سؤالـي=واغلا حلم عشته فـي زمانـي
حروف العشق بالوصف المثالي=تجسد بالغـلا صـدق المعانـي
هدية شوق من غالـي لغالـي=من أحساسي ومن فايض كياني
شعور الصدق من قلبك صفالي=وعبير الـود فـل وزعفرانـي
ملامح صورتك تسكـن خيالـي=أبروزها من ضلـوع المحانـي
أنا والله مـا غيـرك فـبالـي=وانا ما ارخص غرامك لو ثواني
أنا لك طوع باليمنـى شمالـي=يا أول حب مابـي حـب ثانـي
اذا صديت سـم البعـد حالـي=وطيف الهم لامن غبـت جانـي
مضاميـن الوفـا أول وتـالـي=وعلى طاريك قلبي ماعصانـي
فداك اللي تبي يـارأس مالـي=فداك الشعر مع صادق حنانـي
عطيتك بالوفـا عهـدٍ مضالـي=عْهد ماأنسى حبيـبٍ مانسانـي
رغم ماصابني واللـي جرالـي=ينـادم طيفـك العابـر بيانـي
أجيك بلهفتـي مثـل الخيالـي=لو أن الوقت عن وصلك حداني
وانا لك طوع في كـل الليالـي=ياحلم العمر .. ياكـل الامانـي
تقبلوا حبي