14-10-2008, 01:17 PM
|
| |
حشى لله ماخونة
يزول كل الالـم لا شفـت انـا عيونـه
ويرتاح فكـري وتجـدد كـل احلآمـي
لا جيت اوصّف يضيع الوصف من دونه
يتـوه حرفـي وتعجـز عنـه اقلآمـي
هذي مشاهد تغيـض اللـي يحسدونـه
بعض الـذي شافتـه الاعيـآن قدآمـي
رمش الغضي واقف(ن)جندي على جفونه
يحرس عيونه طـوآل الليـل لا نآمـي
لا مـن تكلـم حروفـه دوم مـوزونـه
ما يرتوي السمع لو يصغي له اعوآمـي
مشيه دلال(ن)كمـا طفـل(ن) يخطّونـه
شَعـره تنثّـر علـى متنيـه مترآمـي
ما يسمع الهـرج لـو عنـي يعذلونـه
عقلـه رزين(ن)يهابـه كـل نمـآمـي
يانـاس هـذا عشيـري مـا تعرفونـه
ماظن يرضـى حبيبـه يـوم ينضآمـي
افديـه وافـدي جميـع اللـي يعزونـه
يحب شوفـي وانـا لمشاهـده ظآمـي
خلوه يحيـى حياتـه جنـب مضنونـه
تدفى بقربـه لا هبـت بـارد عظآمـي
مالوم قلـب(ن) تعلـق صـار مفتونـه
طيفه الآ زارنـي تشْفـى بـه اسقآمـي
دامـه عشقنـي حـشـى لله ماخـونـه
بصون عهـده واحفظـه باقـي ايآمـي
منقوول
آخر تعديل ayod يوم
15-10-2008 في 11:05 AM. |