13-01-2007, 09:53 PM
|
| |
ارقى و اجمل الحروف التي صاغتها قلوب و مشاعر شعرائها قبل اقلامهم
فهنيئا لرقي قلمهم بهذا الشرف.....
فياقائدنا ان الكلام و البوح قليل من اجلك.....
سـنــه مـــرة
هذي سنه مرة ولـو مـرة اسنيـن
تبقى قلوب الشعب في ذكـر جابـر
يبقى له اسم حـي بيـن المحبيـن
لو كـان قالـو مسكنـه فالمقابـر
طرى علي وهلت دموعهـا العيـن
ماهـوب ايـة ذكـر لامـر عابـر
شيخٍ من رجـالٍ كـرام ومياميـن
فـي حكـم دولتنـا بعزمـه مثابـر
لو قلت آبا اكتب عنه وسط الدواوين
في ذمتـي لـتجـف كـل المحابـر
شيخٍ على الدنيا وشيخٍ على الديـن
من دون شعبـه للثقيـلات جابـر
كرس حياته فـي قضيـة فلسطيـن
وفتـح لهـم داره وكـل المعـابـر
ومن دون شعبه موقفه عام تسعيـن
حـرر بـلاده مـن عـدوٍ مكابـر
من طيب راسه ماحسـب للامريـن
شبره على شبر الرياجيـل شابـر
فعله منزه عـن حلـوف وبراهيـن
وطيبه على روس المراقيب زابـر
من يزبنه مضيـوم ماقـال بعديـن
ومن ساق له سيات يمهل وصابـر
تشهد له الاطفـال قبـل المسنيـن
وتشهد لـه الايتـام والكـل خابـر
ابٍ كريـم وملتـجـا للضعيفـيـن
ولا قلت جابر قالـو النـاس جابـر
شعر - بدر العصيمي
*************** *************** *************** *
الحزن ماهو عابر
الحزن ماهو شي عادي و عابـر
به حزن يكبر يوم ذكرى مـروره
حتى الحزن مستوطنن بالمحابـر
بين القصيد وبين باقـي سطـوره
عمره سنه والكل عارف وخابـر
سيطر على نبض الخفوق وشعوره
من يـوم شالـو جثتـه للمقابـر
والدمع يعلن في عيونـي عبـوره
نسل السلاطين الشيـوخ الأكابـر
له سيرتن تحكي على الطيب دوره
دام المراجل ساسها الشيخ جابـر
تحفظ تواريخ المراجـل حضـوره
يالدمع ماقدر فـي فراقـه أكابـر
ابكي ويبكيـه القصيـد وبحـوره
عقبه غدى هالوقت والكون غابـر
وأسدل ظلامه عقب ضيّه ونـوره
لكن عزاي الشعب مؤمن وصابـر
والله يزيد ايمان نفسـن صبـوره
شعر :نــوف الميموني
*************** *************** *********
ماتت العروبة
لومات جابـر ماتمـوت العروبـة
تبقى .. ويبقى المجد بيدين اهلها
والعاهل اللي كانت ( اكبر عيوبه )
ان الامور اللي تشـرف عملهـا
شيخ ٍ بنى مجد الكويت بصعوبـة
حتى غدت دانة يثيـرك خجلهـا
طفلة تعيش مع الجميـع محبوبـة
وترسم تفاصيل الجمـال بغزلهـا
خمسين عام وكنه اليـوم دوبـه
من البداوة ... للحضـارة نقلهـا
اليوم من اقصى الشمال لجنوبـه
يبكي رحيل ابو البـلاد وجملهـا
يـادار جابـر يامقـر العـذوبـة
يامن مشاعرنا لهـا دووم ولهـى
أميرك اللي راح مااحلـى ذنوبـه
داااام العروبة باهتمامـه شملهـا
ماقـال لـي دار ٍ يكفـي هبوبـه
عن باقي البلدان .. لو ضاع املها
أمر العروبة صار له مثـل ثوبـه
واطماع عدوان العروبـة قتلهـا
جابر وكم نجم الليا اقبل غروبـه
عم الدمار بكـل عيـن وخذلهـا
جابر لمن خان المبـادي عقوبـة
ياماااا قلوب ٍ في دهـاءه شغلهـا
مامات جابر والشيـوخ محسوبـة
والعز باقي .. في بـلاد ٍ حملهـا
من عقب ما ودع أميـر ٍ ينوبـه
واصل مسيره والشـوارب فتلهـا
منصور العميري
*************** *************** *************** *
يا كويتنا جرحك له سنين وأعوام
واليوم طيبي يالجـروح العليلـه
بثوا خبر موته بشاشات الأعـلام
وبثيت فرحي والقصايـد جزيلـه
واللي يقول إنه عظيم ٍ وضرغـام
أقول أنا مافيـه خيـر وفضيلـه
يكفي سجله حافلـن كلـه إجـرام
تاريخه الأسـود بجرمـه دليلـه
" يمهل ولا يهمل " على مر الأيام
سوى ف"جاره" وأصبحت تستويله
*************** *************** ***********
أموات حنا أموات وعيال الاموات
والموت حق ولا جزعنا من الموت
والشيخ جابر حي وإن مات ما مات
ذكره ومثله يا هل العرف مبخوت
واللي بخص شيخ العلوم الجزيلات
ما قال فات الفوت ما ينفع الصوت
لا والله الا ينفعه عشر مرات
لا صار لا طاغي ولا هادم بيوت
شيخ ٍ طبع له داخل قلبونا ذات
لا والله الا داخل القلب منحوت
إسمه وذكره مع رفيع العبارات
الشيخ جابر حي ما غيبه موت
ويالله يا خالق عظيم السماوات
ويا مخرج ٍ عبدك نبيك من الحوت
يا قايل إدعوني أجيب الدعوات
منا الدعا في ساعة ٍ كلها قنوت
ترحم لنا شيخ ٍ مع حساب الاموات
وتحط قبره روضة أعناب مع توت
وتجزيه عنا كل خير ومسرات
حيثه رجل خيّر ولاهو بطاغوت
*************** *************** **********
قصيده سالم سيار
شفتك على كتاف الرجاجيل نايم
وشفتك مغطى بالعلم قلت بردان
يبه هو حزني داخل القلب حايم
قلت أشعل دموعي وأخليك دفيان
صوتي يبه من بين الأحزان عايم
لو أصرخه تهتز من حولي جدران
أخاف تقعد يا يبه وانت صايم
وإنت قلت قعدني على صوت الآذان
تعبان ؟؟ تعبان أدري والتعب فيك دايم
تفرش ضلوعك حب وتكون تعبان
للحين جسمك فوق الأكتاف نايم ؟
وانت الذي قامت على أكتافك أوطان
إنت العزيمه لي حكوا بالعزايم
يا ما شعلت النور في ليل الأحزان
حتى الرمل في دفنتك صار هايم
من كثر ما وجهك يشع نور وإيمان
تنزل في قبرك والدعاء فوق قايم
كل الاوادم صاروا قلوب ولسان
يالله يالله ترحم منو طفا الظلايم
اللي شعل عمره وسط عمر الإنسان
*************** *************** ******
|