مجالس الرويضة لكل العرب - عرض مشاركة واحدة

#6 (**permalink**) 24-08-2008, 03:22 AM

اصعب شعور بالنسبه للشخص هو فقدان"الأم"او"ا لأب"لما الشخص يجرب هالأحساس يحس ان كل فرحته بالحياة تلااشت للأبد الله لايحطني هالمحل..كثير اعرفهم جربوا هالأحساس بتكلم عن مشاعر بنت فقدت امها بالطفوله..اكيد بتكون حست بأحساس الحزن كونها فقدت امها اللي تدلعها كنت اشوفها وارحمها هي اصغر مني ما استوعبت معنى الموت مافهمت معناه انك تنحرمين من شخص عزيز للأبد وتمضي حياتك بس بدون طلة عيون"امك"....ال حين كبرت صارت بمرحلة المراهقه اهم مرحله تكون البنت فيها محتاااااجه لأم توجهها..تنتبه لها..تحضنها واعضم شي بتفقدينه هو حضن امك اللي يحسسك بالحناااااااااا ااان قمة الراحه بالمكان هذا..
البنت من لما دخلت الثانوي كل ماتضايقت بس تقول"ابي امي"محتاجه لها بشوفها لو بس شوي!!!لاحضتوا كلمة"شوي"ماطمعت من الحرمان اللي فيها تبي تلمحها لو لحضه وهي عارفه ما راح تكفي ابدا....البنت هي بنت
خالتي قريبه مني انشالله محد ينحط بمحلها ابدااا ويتأزم الوضع زياده لما تكون عندك"زوجة اب"هنا تكون الطامه...االله يعينها يا رب
بترككم مع هالشعر حرك مشاعري بقوووه..

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح

يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

يــمــه
يالله خلاص لاتمزحي
يالله قومي
تعالي معي للبيت ارجعي

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...

يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..