هذه قصيده اعجبتني فأحببت ان انقلها لكم
اتمنى ان تحوز على رضاكم
وهي لشاعر اسمة نومان إذا لم تخونني الذاكره
ياصاحبي كونـت نجـمٍ خماسـي=قـدرت تثبـت موقعـه بالمجـرات
متفجـرٍ فيـك الفكـر والحماسـي=اذهلتنـي ياثالـث المستحـيـلات
راسي مثل صم الجبـال الرواسـي=شموخك اكبر من جبال السـراوات
ماخاب ظنّي فيـك ياتـاج راسـي=وانا لعينك فـي جميـع المهمـات
اوقف هدف بينـك وبيـن المآسـي=انسى المواجع واهزم الخوف بسكات
ياصاحبي خابرك صعـب المراسـي=مهما حكو لا تلتفت صوب الاصوات
شتان مابيـن الذهـب والنحاسـي=وشتان مابين الـورق والجنيهـات
عمر البشر ما وزعـت بالسواسـي=الحلم يبقى حلـم وابليـس مامـات
والارض فيها زعزعـه واحتباسـي=لاتأمن البركان في بعض الاوقـات
كان الحكم صفـر برميـة تماسـي=والخلق مظلومه ولا تملـك اثبـات
الخوف احطه تحت رحمة مداسـي=عمرك سمعت بواحد مات ثم مـات
الوقت ارعن واسود الوجه خاسـي=والظلم قادم مـن زعيـم الولايـات
ان قلت كلمه صرت مجرم سياسـي=تكونت حولـك خطـوط وعلامـات
تصبح وحيد وتفقد اللـي يواسـي=وان طولت ياصاحبي تفقـد الـذات
مثلثيـن بـزي نـجـمٍ سـداسـي=غطت على عدة شعوب وحكومـات