((( حـــــنــين الــــود )))
ماعاد به شي يخفى وأخفيه=ولافيه شي ينحكى ما حكيته
خلاص ماينفع عتاب ومشاريه=مادام ظني فيك يامن هويته
مثل السحاب اللي تقافت مناشيه=عيني تتوق البارقه مارتويته
والحزن لو بانت بوجهي مواريه=لاضاق به صدري لربي شكيته
عساه يجبر قلبي اللي هجرته=كنه سجين بالظلوع أحتويته
يا هاجره من شان مافات مريه=هذا رجا وانا الجفا ما هقيته
مرّيه باحساسك وهدي وشوفيه=شوفي مكان الشوق وأركون بيته
وشوفي حنين الود يشكي لماضيه=وهذاك نبت مات لك ما سقيته
وشوفي هيال القصر عاليه واطيه=تهايل اركونه بعد ما بنيته
ذاك الكيان اللي مشيد وامانيه=بعدك سكنه الهم وأنا رضيته
وغصب علي ارضى وبقولك ليه=لأني تمنيت الوفا ما لقيته
وانا ادري البعد للحي ينسيه=ومعاد ينفعني رجا لو رجيته
وللحب جمر تو ماذقت صاليه=وياليتني في دربكم ماوطيته
ادراه في نفسي واكنه وأخفيه=لكن يفضحني وانا ما قويته