06-08-2008, 08:20 AM
|
|
,,,,.: خــبـــروهـــــ ـا :.,,,, السلام عليكم
هاذي القصيدة كتبتها كانت رد على قصيدة وصلتني
اعتقد انها مطلع اغنيه
تقووول خبروه اني على وصله حييت × وان تفارقنا ترا موتي دنا
لي حبيبً يوم روح ماسليت × يعلم الله تو ماذقت العنا
عبرتي هليتها حزن وبكيت × يارجى عمر الحسوفه مادنا
ذقت من دنيا حبيبي وما ارتويت × جنة الدنيا حبيبي والمنا
ورديت اقـــول
خبروها أني على نفسي جنيت=ماكانت الفرقا خياري يالضنا
لاولا فكرت مره ,,, واهتديت=أن الفراق اصلح بشانك مننا
قلبي تقطع بعد هجرك وانعميت=والفكر شارد يبغى يرجع حبنا
وان سرت سار الحس عني مادريت=يرسم اوصافيكِ ويشكي حالنا
قصرت في حقك ولِك لا ماوفيت=انت الكمال اللي تشيد قصرنا
ياحياة الروح روحي بك سهيت=في حزة السودا تبّيض جونا
امشي دروبي لك وكني مامشيت=عاجز عن الحركه تشيل اقدامنا
اتخيل اقدامك بجنبي وانحنيت=ابكي زمان,ن, لجله وفينا وعابنا
اقبل يسارك ثم يمينك وارتويت=من ريق فمك عذب حالي ودنا
لاتلوم قلبي حب حبك واشتريت=عذب القوافي تسوع لجلك تُحسّنا
افني حياتي في رضاك وأن بغيت=تامر على قلبي فنا عمري فنا
ياتاج راسي ياحبيبي قول هيت=اسمع صدى صوتك واسابق دربنا
هذا سنيني وهذا قلبي لك رضيت=تامر عليهم شوف حبي لك سنا
تقول حضنك اقول هذا لك مبيت=تقول قربك اقول قربي لك دنا
مير الحقيقه ياحياتي ماقويت=تضيع في حب الضياع وتفتنا
ارجوا السموحه في خطايا واستحيت=اقولها من قلب صادق ماجنا
غير الهوى والحب صافي به صفيت=هذا جوابي ياغلاي ترزّنا
وصيتي نفسك فعينك مابقيت=تحفظ على عمرك وعمري للهنا
وتراعي الخالق حسيبك حي وميت=لاتوقع القلب الضعيف وتحزنا
وسلامتكم
بجاد الحربي
توقيع : الشاعر الثائر غضب | |