البارحــه مـــن ضيــقة القـلب ونـــيت=ونـــة صـــويبن والجماعــــه ركــــود
قالوا علام الصــــوت مــنك توحــــيت=ارقد تــرا طول السهــر شين مجهـود
ويلااااه مايدرون باللي انــا اخفيــــت=خـــلن عليه القلب يسأل متى يعـــــود
ويلااااه من قلبـــن تعبنـــي وعنـــيت=يسأل ويسأل ثــــم يسأل يبـــي ردود
مـــدري نـــذاله فــــيه منه تخلـــــيت=مهبول هـــذا القلب يانـــاس نمـــرود
لاهــو مصـــبرني ولابه تهـــقويــــت=فاضح وجودي بيــن ربعي وموجــود
في حضرة الوالد وحضرة هل الــبيت=تنزل دموعي غصـــب عني وفي زود
آخذ شماغي فوق وجهي وتواريــــت=اخفي دموعي جاحدن كــل مجحــــود
يانعلبوا قلبـــن فضحـــني وهجـــيت=صـوب النفود اللي له الشوق مـمدود
وضربت كاس البن على الضلع ضليت=وهجوس شعري والمغنـّـَى على العــود
وصوت ابو نوره على قرص كاســيت=يسحر بشوف نياق وضحى في الـذود
وجو رومنسي مــثل جـــو جوليــــت=وهـــبوب خــرجي مايلن كل عنقـــود
معـــــذور ياقلــــبي بمافيك حنــــيت=معذور يافكري سروحك تبي شــرود
معــــذور يادمــعي بمافــــيك هليـــت=معذور يالـــخافق ترا الـــحب معـــبود