بادي بذكر المعتلي وادحر ابليس = واعوذ به من كل هماز لماز
وحضرت تفكيري وكل الحواسيس = وانضمت مضمون المعاني على آز
وسجلت شعري فوق بيض القراطيس = ملطفة بالـوود ماعــاد يعتاز
ذا قول من حامت عليه الهواجيس = وجا له على بدع المثايل تفزاز
من راس رجماً مدهلاً للقرانيس = يثني على ربعاً كريمين وعزاز
سلام للي يفعلون النواميس = الي لهم في عاليه نجد مركاز
افعالهم فازت بكل المقاييس = اهل (الرويضه) للمواجيب معناز
راعيين كيف وتحرقه بالمحاميس = ومجالس ماطبها كل هماز
من لابت ماهي تحب الدنافيس = يوفون بالواجب على كل من فاز
لاد السهول مطوعة كل دنيس = من حدها الوادي الى حد الأهواز
هبي عليهم يارياح ونسانيس = وهلي عليهم ياسحايب وبيجاز
تشهد لها كل النجوم المراويس = أقولها من جد مانيب منحاز