بهديك من قلبي على العين قبلـة=يمكن تذكرك بالليالي الهطيلـــــة
معلوم انت البــــــدر والنــــــور كله=وخيوط ضيك تروي نفسي العليلـة
قوام غصن البـــان بأطبـــــاع سهله=والطرف خلـــــى القلب ضيع دليله
لمن لقيته قلت يا زين أصلــــــــه=عند الضبـــــــــى منه صفات قليلة
غضٍ طري ما خابر الحب وأهلـــه=كل ساع يتورط في مزحـــــة ثقيلة
صدفة تجمعنا على حين غفلــــــة=بس ما هقيت تصير قصـــــة طويله
كلما أردد قول يبتســــــــــم لأجله=حتى تطاير هالخــــــبر في القبيلة
ممحون طائح في غرامــــي برجله=يهتف بأسمــــــي في نهاره وليله
مني غشامة كنت كل ساع اسأله=واطلب على كل قول شاهد دليله
طيوب ما يغتــــــاظ ويزيــــد وصله=حساس يسخي بالدموع الهميلة
أدركـــــت لكـــن وين؟ من بعد قتله=سلمت أمري وصــــــرت آنا قتيله
بعد الرضا داويت جرحـــــــــــه بقبله=وفرغت قلبه من عـــــــذاب يشيله
بس ما سرى ذاك الخبر بين أهله=فرضوا عليه حصار خوف الفشيلة
من غير وعد اليوم القاك وهلة=كانت من الأوقات لحظـــــة جميلة
طبع الوشاية خصلة مي بسهلة=سكين تقطع في حبال الوصيلة