يا ذا النسيم اللي سرى تالي الليل
من وين ساري يا رسول المحبين
ما أرسلك راعي الرموش المضاليل
اللي مضى لي عنه أيام وسنين
باأسئلك انا با لله منشي المخايل
ما خان عهدي با الهوى داعج العين
خلا حياتي من فراقه غرابيل
وحدود نجد وقفت بيننا البين
اللي عليه العين هلت هماليل
وأتابع الونات والناس ممسين
يا قلبي اصبر والليالي مقابيل
وانا السفر ناويه من حد ذا الحين
أرسلت له عيت تفيد المراسيل
جسمي نحل والناس ما هم بدارين