مجالس الرويضة لكل العرب - عرض مشاركة واحدة

#1 (**permalink**) 02-05-2008, 05:22 PM

زعلوا الشباب على سعود ومابقى كلمة ماقالوها له من بينها يالارفل ! ( هم عاد الي ذابحتهم السناعه)

حس سعود وخالد السنع بتأنيب الضمير فقال خالد ابد لكم من يضبط لكم احلا عشاء مالكم هم

بدأ خالد في اعداد الطعام وكجزء من العقاب محد يساعده من الشباب بس هو إلي يكرف للعشاء
المهم الرجال ماعليه عنده نفس موب صاحي يعني طباخ المهم ويقطع البصل والطمام علشان
مكرونة الاسبغتي (الله والشهوه) المهم

انتهى من سلق المكرونه وجالس يعد الصلصة جوه الشباب متحمسين جوعانين توهم طالعين من المسبح
وخابرين الواحد لما يطلع من المسبح يطقه الجوع تقول بحياته ما آكل
المهم جاه محمد وهو يرطي مويه قال ياخالد اخلص علينا ترى مرة واصليين حدنا ياشيخ

بعدين ريحه الاكل شاقه خشمي رد عليه خالد وقال ابد الحين انكب الكم احلا عشاء
بس جهزوا السفرة وكل شيء وانا بجيب الطبق الرئيسي
المهم خالد حريف وعنده حركتات حلوة الولد جاب الصحن وحط فيه المكرونه
وحط فوقها الصلصة إلي تهبل دخل عليه عبد الاله قال ياعمي اخلص الشباب ماتوا جوع يالنايم

المهم عبد الأله جاء بيشيل الصحن قاله خالد اصبر ياعمي باقي ارش جبنه الموزريلا على الوجه
( مسوي الولد الذوق) قاله عبودي مو لازم اخلص بس

الهم خالد لزم إلا انا برش الجبنه وبجيب لكم الطبق بنفسي
انت بس خل الشباب ياخذون مواقعهم حول السفره ( مايسوى عليهم هالعشاء)

المهم جاهم عبودي ياشباب العشاء العشاء الحقوا
شوي إلا الشباب محظرين على السفره ( تقل طايحين من الغما )

جلسوا اول دقيقه يتحرون العشاء بعدها قاموا يصوتون لخالد ياخالد اخلص
وإلي يقول خالد ترى مصختها

وشوي ويجيك خالد داخل مع الباب والشباب من شده الجوع يوم شافوا خالد داخل سكتوا
وخالد من التميلح جالس يقول حياكم الله على قل الكلافه

المهم الرجال ماسك الصحن من تحت مصدق نفسه انه الويتر إلي بالمطعم
المهم يوم قرب من السفرة ويجي بينزل الصحن وهو يقول ياشباب لعيونكم احلاااا اسبقتي

وهي تزحلط يده ؟؟؟؟؟؟؟؟

هنا بسكت الي بعدي يكمل!!!!

همس الشفايف
..

..