مجالس الرويضة لكل العرب - عرض مشاركة واحدة - يالبيه يالجنادرية وهـ بس وهـ والمقصد مهوب الجنادرية المقصد الروحة لرياض

#3 (**permalink**) 20-03-2008, 07:15 PM

هههههههههههههها ي

والله اني من شفتك تشكشكين بهاالكميرة وانا دارية انك بتشطحين بالصور للمنتدى خخخ

وليه كذا فضحتينا وعلمتيهم بالباص ياختي برستيجي مايسمح

الله يهديك بس ياهوى خربتي الرزه

اجل ابضيف بعض الصور من عندي مدامك جبتي العيد و خربتيها وحبيتي تعليمنهم انا رايحين

اخليكم مع بعض الصور ..

عموما الصورة زي ماهي واضحه عندكم ان الاسعاف متواجد في كل ركن وزاوية في موقع المهرجان ... الله يعز الحكومة ماقصرت من جد

وهنا مدري ايش بس مالقينا احد يشرح بس مبين انهم يسوون الزوالي او مدري وش .. المهم .. انتم ابخص ..

هذا الرجال جالس يسوي كاسات معدن واخذنا منه مجموعة ..

وهذي اتوقع القربه حقت الموية ... والظاهر انها حقت لبن والله مدري .. ...... ام الوصف بس

وهذي التايتنك على غفله

هنا ركن عسير وبصراحة احلى ركن موجود في المهرجان كان ركن المدينة المنورة شيييييييي

وهذي صورة كبيرة مره لبو متعب الله يحفظه من عمل طالبات الخدمة الاجتماعية

وهنا جننتي هوى ماطلعت من مكان الحيوانات المحنطة اغمز والا ما اغمز مسويه مرشده سياحية جالسة تشرح للاجنبيات الحيوانات واسمائهم وانا علي الترجمة .. وهالاجنبيات يبون يعرفون كل شي .. ام الغثاثة

شيء هالصورة

خلاص اكتفي عند هذا القدر لان البقية خاصة

.. مشاهدات حصلت داخل الرحلة ..

* ركبنا الباص راجعين واحنا مانشوف ... انواع الصداع ..
وهوى مصحصحة ماشاء الله عليها مع الربابة وانواع الازعاج والصوت مدري وش يبي والاغنية ( سو كنك مادريت ) مدري وش دخلها مع الربابة .

* الرحلة من بدايتها لنهايتها كلها اكشن واثارة والبطولة بدون شك لهوى فهي اللي مقترحة حركة الباص رغم وجود السيارات الخاصة .. وكنا مترددين في البداية بس من جد رحلة من احلى الرحلات