شاقني بارق برق في مراويح السحاب=مزنته غراء رعدها يهز جبالها
سيلها من وبلها ضاق به ردف الجناب = يفرح المسني بوقعه على جلالها
شاقني في غيهب الليل وانا(بالرحاب)=نجمة تبدي والاخرى تشع قبالها
والمعز والضين والابل بسفوح الهضاب=ياطراة القلب لاطرة علي ليالها
والوجار وصالي الجمر يشتب اشتباب=والدلال مركزه والفتى في جالها
حامس الطبخه على الكيف عاذقة الشراب=بنها والهيل تقنين في فنجالها
والنشاما من حواليه شياب وشباب=والسوالف بينهم دارجه بامثالها
وان وردنا العد نشرب هنا من ماستطاب=نجذب الماء من عدودٍ عذى زلالها
والدبش يشرب ونسقي مداوير الركاب=والقرب سقوى البدو فوق كور جمالها
عيشة البدو السعاده ولو فيها عذاب= التعب مخلوف في حلها ورحالها
والقرايا في كنفها طويلات الرقاب = عذقها يانع ودائم يظل ظلالها
لامررناها دعينا لاهلها بالثواب = نشرب من الماء ونقطف ثمار ثلالها
هذه سيرة حياة البدو علم الصواب = في سكون الليل تبعث نسيم خصالها
خلفتنا واقفت بكل مالذ وطاب = مابقي منها لنا الا رسوم اطلالها