الموضوع: خلصــــــــــــــــت الحــــــــــــــــــــــــدوتـــة
عرض مشاركة واحدة
#1 (permalink)  
قديم 08-03-2008, 09:41 PM
فريد عبدالعزيز
عضو مجالس الرويضة
فريد عبدالعزيز غير متواجد حالياً
لوني المفضل Cadetblue
 رقم العضوية : 2376
 تاريخ التسجيل : 25-02-2008
 فترة الأقامة : 6496 يوم
 أخر زيارة : 01-04-2008 (02:08 AM)
 العمر : 49
 المشاركات : 35 [ + ]
 التقييم : 100
 معدل التقييم : فريد عبدالعزيز مجتهد فريد عبدالعزيز مجتهد
بيانات اضافيه [ + ]
جديدPost خلصــــــــــــ ــــت الحــــــــــــ ــــــــــــدوت ـــة




خلصت الحدوته
خلصت فى أولها
وحياتى من بعدك
جارى فى تعديلها
لو حلوه أو مره
لازم أكملها....

قلت هاعيش وياك ف الجنه
سيبت القلب معاك يتهنى
ليه تكسرنى وتكسر قلبى
ليه ف دقيقه تهد أمالنا؟

جاى بتقول فوق من أوهامك
جاى بتقول إحساسك خانك
جاى دلوقت تقوللى " كشفتك"
جاى بتغير كل كلامك!!!

عايز تبعد كنت صارحنى
بينى وبينك
مش تجرحنى
ليه قدام العالم كله
جاى بتقوللى كلام يدبحنى؟.

كان فيه ألف طريقة تفارق
وافضل احبك وافضل عاشق
وتسيب ذكرى رقيقه ف قلبى
مش تنهينى ف ست دقايق


كنت فاكرنى هاجرح فيك ؟
أو هاتعصب وأقسى عليك؟
اللى يحب لايمكن يقسى
وانا حبيت....
مكدبش عليك

عارف...عمر ما حد خدعنى
ما هو مش طبعى أأمن يعنى
جيت ولحدك رحت مسلم
علشان تجرح وتضيعنى

عارف إيه مخلينى حزين ؟
إنى عشقت ف غمضة عين.
بعد ما باب الحب قفلته
بعد ما عشت لوحدى سنين

يلا... عموما عيش وارتاح
ميهمكش أعيش فى جراح
سيبلى الحزن بوجعه وناره
وخد من قلبى وعمرى سماح

خلصت الحدوتة !!



 توقيع : فريد عبدالعزيز

رد مع اقتباس