يا راسي ان غثك من الحاسد صداع = لا يشغلـك الا صـداع النـعـاره
تارد عليك اقوال واقـوال وتـذاع = وتورّد أوجاعك قصيـد وعبـاره
تحيةٍ من بوظبـي بعـد الاوجـاع = توصل لبو متعب وتوصل لـداره
تاصل لذربين اليمانـي والاطبـاع = اخوان نوره منتهـى كـل غـاره
قومٍ على مد الوغـى تكسـر ذراع = وترد في ضلوع المعـادي نيـاره
وتفتح لباب الطيب والجود مصراع = وتصك بيبـان الـردى والحقـاره
اقولها من قلـب مانـي بمرتـاع = من كلمـة اللـي يلتفـت للعيـاره
يا خادم أطهر بقعتينٍ علـى القـاع = الجـود ورّد لـك مسـاه ونهـاره
طالت يدك في الجود باع ورى باع = وانساق لك عز الوطن وافتخـاره
يا سيدي وان زاد همي بالاضـلاع = ما انتظر في الغيـر رد اعتبـاره
متربيٍ بالطيب وللطيـب مطـواع = ماني من اللي يشتكي من هجـاره
من لابةٍ تاطى على نياب الاسبـاع = دايم نباها فـي المغـازي بشـاره
ربعي بين منصور صلفين الاكواع = قومٍ على العادات رهـن الاشـاره
والا السعودي له بصدري توسّـاع = احفظ انـا قـدره واحفـظ وقـاره
لو حرك الواشي على لساني صراع = أصد انـا عنـه و احـد انتشـاره
الناس لو شافت عذق نخلك انصاع = ترمي عليه حجـار تبغـى ثمـاره
الحق عند الله موجود مـا ضـاع = وان ضاع عند الناس ما هو خساره