أبيك ياعمـري وإذا مـا تعجبـك كلمـة .. أبيـك=خذها بـلهجـة ساكنييـن (دبـي) ياعمـري أبـاك
حشمة غلا .. وإلا غلا حشمة .. وذيك تعـز ذيـك=غلاك يفضح حشمتك .. وبحشمتك .. يُستر غـلاك
يا قبلة الله .. كل مـا أتخيّـل.. تقـوّس حاجبيـك=لاطارت عيونك عجب .. وأغضيت من زايد حيـاك
أفقد وجود الجاذبية ..وأرتفع لـك .. هيـك هيـك=.وأطلع بعد أكثر .. وأكثر .. لين تحضنـي سمـاك
وألقى سماك ..تلفّني من حول .. كوكـب ناظريـك=وأسمع .. مماليك الكسل .. تفخر بـعهد الإمتـلاك
حالة .. تجرّد .. وإرتجاج .. وهلوسة .. تنسب إليك=أمّـا أتحمّلهـا ..عنـك .. وإلا أتحمّلهـا مـعـاك
مع إن مالي ذنب .. بس أقول .. يرضى لي عليـك=الله يسعد لي صباحك .. قبـل يسعـد لـي مسـاك
شفت إن ربّي .. سلّمك أمري .. ولا لك أي شريك=إلا أنت .. وعيونك .. وخدّينك .. وتذويبـة شفـاك