السلام عليكم ورحمة الله وبركاته

وش حالكم ؟ منورين بتواجدكم سواء اللي رد والا ماهوب راد ,, المهم الدعوى مشاهد ,, حياكم الله ,,

تخبرون الشيبان وسوالفهم ,, مملحوه ,, وماهي مثل سوالف بعض الشباب ,, هذه مختارات من بعض سوالف صارت لشيبان ,,


هذا شايب مسيكين صاكته الانفلونزا راح للمستشفى يعطونه ابره مسكنه يقول جاني ممرض هندي بوهته بوهة سباك موب ممرض قلت ميخالف اي شي بس اهم شي ابي ابره مسكنه يقول عطاني الابره شوي الا بديت اتلوى مكاني طلعت ابرة (طلق) حقت الحوامل موب المهدئه اللي انا ابيها يقول حسيت اني بجيب توأم من سري..المهم بعدين راح عند اخوياه قالهم ياجماعة الخير لاتقعدون تفرخون من هالبزارين خلكم على اثنين ثلاثه ارفقوا بحريمكم ترا والله انهم يتألمون الم ماذاقه الا أنا .

ههههههههههههههه هاي

وهذا شايب ثاني عنده عجوز نقّاده كل عيوب خلق الله فيها..هالشايب انواع التسدح والتبطح عند التلفزيون ويمووت بشي اسمه اليسا المهم مره شافته العجوز وهو يناظر اغنيه لاليسا قالتله جعل ربي يرزقك مليون ريال تصرفها كلها على علاجك انهبل الشايب المسيكين ويلزق ورقة الطلاق بخشتها ويخليها تطس عند عيالها بعد فتره تزوج بنوته كتكوته اموره وراح لاخوياه قالهم ياجماعه الخير والله ياشفت اشياء بالحريم توني اكتشفها قالوله اخوياه الشيبان وش شفت قال قولوا وش ماشفت..شفت التكنولوجيا بعينه وعلمه..بعد فتره الا نص اخوياه متزوجين على حريمهم يقولون نبي نشوف التكنولوجيا .

ههههههههههههههه اي

وهذا شايب الله يهديه سذبه كثير
((حنا بيوم من الايام كنا نسرح ايوالله حنا ثلاث عيال وبنتين الا يوم جننا حول عشرة ذيابة او هن خمسين ذيب والله ماني متأكد<<<<<<<<<< <<ياكبرها 10<50 مافيه وجه مقارنة المهم مشيناه له ويكمل ويقول حنا ثلاث عيال جننا ثلاث ذيابه اول شئ والباقيات واقفات هناك المهم طرحناهن وبعدين جننا ثلاث ثانيات وطرحناهن وبعدين انخرعن الباقيات وهجن<<<<<<<<<<ا لأخوان على بالهم WWF ويوم تقوله ليش كذا ووين الذيابه عن البنات يقول ذيابة أول ياولدي ماهي مثل ذيابة هالوقت أول ياشافن البنات الذيابة يرحن يم الرجال مايرحن يم البنات ابد وبعدين ثلاث ذيابه على ثلاث رجال ذيبين على رجالين مافيه غدر <<<<<<<< ياربي ياكبرها

ههههههههههههههه ههاي

المهم ياشباب مع ذلك والله مانسوى شئ بدون شيباننا ويارب انك تخليهم لنا قولوا امين
ورجاء انتظر ردودكم ,,