اشتكيت هموم قلبي واشتكيتك ** يا مسبب جرح دامي في كياني

ما عرفت ارتاح لحظة من لقيتك ** جيت ضدي واسندك حتى زماني

خذت قلبي وما تبي كله عطيتك ** والصراحة ما أحد مرة عطاني

هذا حالي صاحبي يومي بغيتك** فيض حبك للأسف لا ما سقاني

عشت وحدي ويوم موتي ما رجيتك** كيف أجي لك وانت أول من رماني

مات حبك ما بكيت ولا نعيتك** كيف أبكي وليه أنعي من نساني

كنت حالم تحتفي بي واحتفيتك** قلت أبادر على تشعر في حناني

هي قناعة لاجلها عشت وفديتك** والقناعة ما تغير في ثواني

أنت وحدك شاغلٍ فكري وليتك** ما تكون الصاحب الفض الأناني

والعرب لا عرّفوا كلمة نخيتك ** مصطلحها يرمز لعدة معاني

حاجتي لك واضطهادي من هويتك** و إن قلبك فزعتي ومصدر أماني

اشتكيتك واشتكي لك واشتكيتك** لين ترفع ظلم قلبك عن كياني