مجالس الرويضة لكل العرب - عرض مشاركة واحدة

#1 (**permalink**) 12-12-2007, 12:35 AM

مافى عسل غير العسولة رنونه
يسعدنى تواجدك ويسعدنى أكثر ابتسامتك (( بود ))
ميكا نيكى اشترى سرير نام تحتة.

كلب شوارع مر من جنب قسم شرطة شاف كلب بوليسى قال اخ لو كنت كملت تعليمى.

واحد اعمى فتح من الفرحة انشل.

صعيدى عمل عملية نجحت راح عملها مرة تانية.

مهندس كمبيوتر حلل دمه طلعت فصيلتة Hp.

صيدلانى اتجوز صيدلانية خلفوا تركيبة.

اتنين صعايدة بيلعبوا شطرنج الملك مات مشلول.

اثنين محششين قاعدين قدام مراية
الأول قال قوم نسلم على اللي قاعدين قدامنا، ولما وقفوا قال الثاني اقعد اقعد هما جايين علينا.

مرة واحد مراته ماتت فماشى فى العزا عمال يضحك فواحد بيسأله بتضحك على ايه
قاله اول مرة اعرف هى رايحة فين.

مرة واحد غبى واقف في الشارع و بيتكلم في المحمول
و عمال يزعق و يقول: بس دوري تاني دوري كويس
ام واحد معدي في الشارع جه قال له: في إيه ؟؟؟؟
راح واخد المحمول منه وبيسمع ... لقى .... (الرقم الذي طلبته غير موجود بالخدمة)!!!!

واحد احول راح يجيب ابوه من المطار باس الشنطة وشال ابوه.

بلدياتنا طلع القمر اول حاجة عملها خلع بدلة الفضاء ولبس الجلابية.

التلميذ : بحبك يا ابله و عاوز اتجوزك ...
المدرسه: بس انا مبحبش الاولاد الصغيرين ...
التلميذ: وانا مش مستعجل على الخلفة ....

واحد بيستهبل اتجوز واحده بتستهبل خلفو واد ... اول مانزل عمل نفسه ميت.

رجل نساى اوى ذهب للحج وعند رمى الجمرات
سأل نفسه انا رميت اتنين ولا تلاته فاعاد رميهم مره اخرى
ثم ذهب للطواف فسأل نفسه مرة اخرى
لفيت ستة وله سبعة فعاد الطواف
وعند نزوله من الطائره سأل نفسه نسيت ايه يا جورج !

واحد مسطول سايق عربية فراري في اول الطريق الصحراوي بيفتح الراديو لقى المذيع بيقول
هنا القاهره راح قايل يخرب بيت السرعه.
اتنين متجوزين كل ما يخرجوا فى حتة مراته تقول له عايزة اروح جنينة الحيوان عند جبالية القرود... و كل يوم تروح عند الجبلاية و تفضل تأكل القرود ... لغاية يوم الولادة
دخلت تولد ولما الممرضة خرجت سألها الاب اية ولد ولاّ بنت ؟؟
فقالت له الحقيقة يافندم ملحقناش نعرف ... اول ما المولود نزل نط من الشباك.

واحدة حامل فى ثلاث توائم
يوم الولادة الدكتور بيطلع العيل الاول لقاه نايم وساكت قعد يضريه على وشه حتى صرخ الطفل ركنه على جنب
وطلع الطفل الثانى لقاح زى اخوه قعد يضربه لما فاق وركنه ...
جه الدكتور يدور على الطفل الثالث مش لاقيه راح ماشى وقال للممرضة كملى لانهم اثنين بس الممرضة جت تكمل لقت الطفل الثالث طالع براسه بالراحة وبيسألها ...
هو الراجل اللى بيضرب العيال مشى ولا لسة.