مجالس الرويضة لكل العرب - عرض مشاركة واحدة

#1 (**permalink**) 11-12-2006, 11:14 AM

[color=#3399CC]السلام عليكم ورحمة الله وبركاته

كيف حالكم جميعا

اليوم دخلت المنتدى من الساعة 9 وكلي حماس

المهم شفت فيه ركود غريب

قلت اكيد الناس في الدوامات

او نائمين وياحلو النوم في البرد

المهم قلت وش اسوي وش اسوي

دخلت استراحة الاعضاء <<<<<<<على بالي استريح

ما لقيت فيها شي قلت خلني اكتب فيها موضوع

اذا رجعوا الشباب من الدوام افاجأهم به

المهم دورت موضوع مالقيت الا موضوع يضحك[/

لا وعلى من علي انا يعني انا البطل

ترددت انزله قلت يا ولد يضحكووون علي الرياجيل

بعد بعد جهد جهيد وواسطة وافقت

الموضوع حصل لي قبل سنتين مثل الايام هذي

الجو برد مرة وكانت موضة الملابس الشتوية

اللون الاسود

ابدأ

بسم الله

في يوم الاحد الموافق / / 1425 هـ

استاذنت من المدرسة وذهبت للبيت وتروشت ولبست

الثوب المشؤم اقصد الاسود ( فاقع السواد )

وركبت سيارتي ودحدرت للرياض

معي اوراق مطالبة لاحدى الدوائر الحكومية بالرياض

وابنص واحد لين وصلت نقطة القدية قريب الرياض

وصلت عند العسكري كان اي سيارة تجية يأشر لها

تمشي يوم وصلت عنده ويقول وقف خييييير

رابط الحزام طبعا قال رخصتك واستمارة السيارة

ولبق على جنب 0 انت مسرع ومضلل

لا حول ولا قوة الا بالله

عطيته الرخصة والاستمارة ( وانا اتنافظ )

مهوب من البرد الثوب الاسود مدفيني بس اخاف

من الشرطة مدري ليه حتى عبدان اذا شفته ضيعت

( تذكرت واحد من الشباب الكبار على فكرة الخوف من

الشرطة كان دوامة ينتهي الساعة 2 بالليل وعند رجوعه

للبيت مسكته المخدرات قالوا وينك جاي منه قال من الدوام

وش اسمك قال فلان بن علان وهو اصلا اسمه علان بن فلان

بس من الخوف قلب الاسم ) 0

المهم لبقت على قلت سرعه وتضليل اكيد قسيمة اقل شي

ان كان مهيب ثنتين نزلت وقفت ورى العسكري ورخصتي في يده

ما بعد وداها للي يكتبون القسايم 0

كان طابور السيارات واصل المزاحمية <<<< والله المبالغة

في اللحظة هذي كان الظاهر موقف قبلي راعي سيارة ديانه

جاء راعي الدنه وهو ينافخ ( ما شافني ما غير اتنافظ )

ويقول صديق انت ايش يبغى يالله بسرعه كذا تاخير

قلت وش عنده ذا منهو واسطته ؟؟؟

قال العسكري روح جيب طفاية حريق

راح الرجال وجابها ( لا حظوا كل هذا وانا متسمر ورى العسكري )

جاب الرجال الطفايه خذاها العسكري وقعد يهزها

قال هذي ما فيها شي فاضية وقديمة ومدري ايش

المهم قربت انا من حب الاستطلاع ! ! !

فتح الرجال امان الطفاية . . كان لي الطفاية متجه لوجهي مباشرة

هوضغط عليها والا ما ضغط والله ما حسيت كنا داخلين سحابة

الدنيا كلها راحت بيضاء وخمس دقايق ما ندري وش العالم فيه

طبعا اكثر واحد تضرر انا لان اللي في وجهي مباشرة

يوم هدى الموضوع وانا متفشل وخايف

والى العالم اللي واصلين المزاحمية كل واحد مطلع راسة

من القزازة وميت ضحك

يوم ناظرت ثوب الموضة ولينه مهوب ثوبي

الثوب ابيض انا اخبرة قبل شوي اسود

وجهي تعرفونه ما فيه من البياض شي صار كنه وجه

ولد تشارلزعلى ديانا تخيلوا الموقف كل الناس يناظرونك ويضحكون

العسكري الضعيف تفشل وراح للسيارات وما تشوف

الا روح روح روح وكنه يقول خلهم يروحون لا يضحكون على هالسبهه

المهم بعدت شوي وضربت ثوبي طالع منه كيلو بودره

رجعت كني حمار وحشي ( اكرم وتكرمون ) من كثر البودره

والضرب صار لونين ابيض واسود مخطط

جاني العسكري قال هذه رخصتك واستمارتك الله يستر عليك

والله العظيم اني قريت في وجهه كانه يقول عطني كف بس روح

قلت له بيني وبين نفسي خلاص مسامحك ( دائما متسامح )

ركبت سيارتي ومشيت متوهق مدري وين اروح وكل من سقط علي

قعد يناظر لين تنكسر رقبته كنهم اول مرة يشوفون . . . . .

يسامحونه الشرطة 0

ما يستفاد

* لا تستاذن من الدوام عشان تروح تقضي مصالحك الشخصية
* الثوب الاسود قد يكون احيانا نقمة لصاحبه خاصة اللي مثلي
* لا تسرع فانت ان سلمت من الموت ما سلمت من الشرطة
*ليش الخوف من الشرطة تراهم بشر مثلنا 0
*الحكمة عند المواقف الصعبة كل واحد يتخيل وش بيسوي ؟؟؟
*لاتنسى تاخذ معك ثوب احتياط اذا كنت في سفر 0
*وبــــــــــــ ـــــــــــس

.