مجالس الرويضة لكل العرب - يقولون لاضاقت عليك الوسيعه غن ...

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/forumdisplay.php?f=58)

- - يقولون لاضاقت عليك الوسيعه غن ... (http://www.rwwwr.com/vb/showthread.php?t=30539)

يقولون لاضاقت عليك الوسيعه غن ...

السلام عليكم ورحمة الله وبركاته

***

ممــآ رآق لي ..

مـراهـيـش نـوك ماتـبـل الـورق ياهــنّ
لها اليوم تاسع يوم تـبرق ولا سالـــت

يقولون لا ضاقت عليك الوسيعه غـــنّ
وانا اقول شفت مقرد الخلق وش قالت ؟؟

انا البارحـة من يـوم غــابت الـين اذنّ
تحـلـوى عيوني للكرى مير ما احتالت

يثوع النعاس من ارمد الجفن يوم تـعـنّ
سراميد غـيــضٍ بالـحشـا حبلها فــالـت

ماغـيـر اتـدرق بأسـمراللـيـل لا لــجــنّ
هجوسٍ تخطرت هيبة الجرح و اختالت

هـجـوسٍ ليا قـامـت تكَـرب وقمت آونّ
تــصـرم معـالـيـق الحنـايـا ليـا انهالت

ذلول الهجاد اللي نبت في جماها سنّ
من العام تثعى في ضلوعي ولا زالت

حلال الذهاب الى استشاطت لبسها جنّ
يا كــيف آتــجــوّد في نـحـرها ليا مالت

و انا يـوم امــسّ بـطـانها ما عليّه مـنّ
يدين الهوان ان حطت اللوم وان شالت

آبا زم نـفـسي عـن طـمـان هـواه مـصـنّ
واعدي لجفني و ارقب العين وش خالت

عـلـيهـا المـلام ولاعـلـيـهـا السلام آبـدنّ
يـديـنٍ تـبـي قـصـرة يـديـني ولا طـالــت

بعد مانـفـضـت غـبار صـدري ولـد ياهـنّ
بعد ماروّت روحي من الغيض و اكتالت

يـقـولـون لا ضاقـت عليك الوسيعه غـنّ
و انا اقول شفت مقرد الخلق وش قالت ؟؟

مساعد الرشيدي