مجالس الرويضة لكل العرب - بقايا جرح...بقايا انسان,,

تعودت اني ماأتكلم إذا داهمني أي أحزان
كلامي حبـرينزف على أوراقي معانــاتي

كلامي تنطقه أبيات شعري كيف ماكان
صعب أوصف ألامي لحظة تهل عبراتي

أحس ان الألم يلجم لساني في بعض أحيان
مجرد دمع من عيني وحبر يكتب الآتي

ألم أحــزان وجــرح إنســان بلا أوطـــــان
أضيع بلحظة الصدمه واضيع كل خطواتي

وهــــذا كل مابيدي دمــوع وصمـت وكتمــان
وقلم يكتب على أوراقي صدى الصدمه بذاتي

أحس بداخلي نــارمن الغليــــان كالبركـــــان
خذلني قلبي الطيب تبعتــه بحســن نيــــــاتي

أشوف الوقت متغير وطبع الناس غير أحيان
أشوف اني بعــــالم نـــاس تــزيد الهـم بحياتي

أثاري الطيبه صارت عيب ولاحدٍ للعهد قد صان
حسافـــــــه الناس غيـر الناس وانا والله بنيـــــاتي

ذبحني حيل حســن الظـن لنـاس مالهـا أي أمــان
إلامني صدمني فيهــم الواقع يجدد في مأســــاتي

أنا مدري غدرني الحظ ووقتي خذلني وخـــان
ولادنيتي صعبـــه وعجــزت أجاري أوقـــاتي

أشوف عمري مضى حسرات وألآم وقهر واحزان
دعيت الله يفرجهــا دعيــته بصدق في صــلاتي

أنا وش في حياتي أقـدر أسويه وبالامكـــــان
الامني عجــــزت أصبر وقلــت كــــل حيلاتي

تمكــن داخلي إحســاس عجزت أوصفــه يااخوان
عجزت أجمع حروف توصف إحساسي ومعاناتي

أناأصبحت بها الدنيا بقايا صمت تلاشى وقتهامايبان
أحس الصمــت بدا يصرخ بدا يظهــر على شفـــاتي

أحس بداخلي صرخه تهـــز حتى شجر واغصان
لو اصرخ بلحظه صداهـــــا من أقصى الجبل أتي

نحت فيني الزمن حزنه وقطع من قلبي أهم شريان
ورسم بملامحي حســـره وعجزت ألمـلـم شتــــاتي

أتـــوه بدنيتي لحظــات واشـــرد بالفكــر أحيــــان
إلامني فقدت الصدق عند الناس تجدد في طعناتي

أحس إني بقايـا جــرح بقايـا صمت بقايا إنســـان
واحـس بداخلي نــزف صعب توقفــه صرخــاتي

أنا منهو بينسيني حــزن عمــر مضى وكـــــــان
ومن يقـدر يســاعـدني أطــوي كـل صفحــــــاتي

اتمنى يعجبكم ..
م,,ن