| |
| |
12-11-2007, 07:17 AM
| |||||||||
| |||||||||
رحلة حفيد مجمش بالصور 1428 هـ السلام عليكم ورحمة الله وبركاته أسعد الله اوقاتكم بكل خير ,, أحبتي اليوم حبيت انقل لكم رحلتي الويكند اللي طاف بالتفصيل الممل ,,, بسم الله الرحمن الرحيم ,, وعلى بركة الله ,,, بعد نهاية دوامات الاربعاء ,, جائت لي فكرة بأن أروح للشرقيه ,,, غيرت الفكره كل اسبوع للرويضة قلت المره هذه سوف أتجهه للشرقية ,, جلست الاربعاء بالرياض بالليل جهزت سيارتي شيكت عليها من الى ,,, والخميس قمت الظهر أفطرت فطور غداء يعني تغديت فطور كاس كبتشينوا ونواشف الحمد الله افطرت وعينت من الله خير ,, عند الساعه الواحد ظهراً مشيت ولمن جائت صلاة العصر وقفت بجانب الطريق وفرشت الفرشة وحطيت قهوتي وشاهي عليها صليت ثمن تقهويت بعد ذالك حركت وفي الطريق حتى الساعه الخامسة يعني غابت الشمس وانا بالطريق وصلت هناك بالسلامه ,,, بعد ذالك كنت على اتصال مع صديق لي طلعت انا وياه وتعشينا في الخبر في بيت التنور ,, نسيت أصور لكم المطعم لاكن عوظتكم في غيرها ,,, طلعنا ورحنا للواجهه البحرية بالخبر وعند ستاربكس اخذنا لنا طاوله وطلبنا وجلسنا نسولف وكل واحد بكمبيوتره ودخلت المنتدى وكان فيه مسابقة حليت السؤال صح وطرت أبو نواف ههههههه ثمن لحقوني اليوم الثاني ابو نواف ههههه الى الساعه واحده صباحً بعدها كلن واحد منا راح لبيتهم انتهى يوم الخميس بذالك ,, الجمعه لمن قمت طبعن ما صليت الجمعه لاني مسافر عذر والله الا راحت علي نومه الى ثلاث العصر قمت صليت وتريقت بعدها طلعت العصر لزيارة زميل لي منوم بالمستشفى الى بعد المغرب ثمن ذهبت للكافي شوب تقهويت وكنت داخله من شان النت ,, جاء لي زميل وجلس معاي الى الساعه 2 ليلاً الين قال ياشباب قوموا بنسكر هههه انتهى يوم الجمعه رحت نمت الى الظهر قمت السبت الكل بدوامه ,, يوم جاء العصر اخذت قهوتي وشاهي مع ولد عمتي ورحت للواجهة البحرية الجديده بالدمام الى بعد المغرب في هذا اليوم ما قمت بالتصوير في الواجهة البحرية ,, بعدها رجعنا للبيت,,, بدلنا ثمن نوينا العشى برى انا وياه وين نروح قلت البانوووش قال ما عندك مشكله طبعاً يوجد هذا المطعم بشارع الملك عبدالعزيز بالخبر وصلنا هناك نزلت من السياره ,, اخذت صوره للمطعم من الخارج  ثمن دخلنا جوا وجلسنا على الطاوله  جابوا لنا قائمة الطلبات  قبل تطلب تختار اللي تبي ,, أخترنا ربيان ( جنبري ) وهذه قبل الطبخ من احواضه  هذا بالنسبه للربيان ,,, جلسنا نسولف فيما الطلب يجهز جاب لنا أولا الزبده والخبز مع الليمون  انا في تصويري اصور الطلب الخاص فيني بس ,,, وكل طلباتي ربيان في ربيان ههههه مدمن ربيان ,,  بعدها جاب وجبة الربيان أسميه انا ربيان طاشيشو عشانه يقدم في صاج ويحطه عندك وهو له طشطشه  ثمن الارز البرياني بالربيان  وكمان الربيان المشوي بالصويا  وهذه الطلب الخاص فيني صوره جماعيه  تعشينا وعينا من الله خير ,, ثمن طلعنا للكوفي شوب بمدينة العمال كنت اجيه ايام زمان ايام الدراسه هههههه هادئ وحلو مكانه بالقرب من اسواق التميمي دلع الكافي شوب أسمه ندى جلسنا عندهم من الساعه 11 الى الساعه 2 الى ان بقيت انا ورفيقي وحدنا عشان أصور والمحل فاضي ههههههه ,, لاكن فيه واحد كمان بعد مثلنا ماطلع شكله يبي يصور قمت صورت ولا بعد صورته ,,, وهذا المدخل بسم الله دخلنا  وهذه جلسات الكوفي شوب       وهذه صورة الولد اللي ماطلع من الكوفي شوب مناشبني هههه يضحك لي وانا اصوره  نسيت اصور الطلب لاكن قلت ما بقى الا ثلاجة القاتوهات صورها  [B][color=#000000]بعد ذلك طلعنا ورحنا للبيت ,,, انتهى يوم السبت على ذلك ,,,
آخر تعديل حفيد مجمش يوم
12-11-2007 في 07:30 AM.  |
|
12-11-2007, 07:18 AM
| |||||||||
| |||||||||
رد: رحلة حفيد مجمش بالصور
امس الاحد يوم قمت الساعه 2 تغديت ثمن اخذت قهوتي وشاهي ورحت للواجهة البحرية بالدمام من بعد صلاة العصر الجو حلو والمكان احلى بعد خاصه لانه توه جديد ,, يعني شي المكان [/color][/B] لمن نزلنا من السياره اخذت الصوره هذه  وايضاً  طلعان شوي مع الدرب هذا واعجبني المنظر وخاصه الشمس فيها توها قياليه ههههه  لمن وصلنا فوق المكان عالي شوي كمان لقطت الصوره والنقطه اللي عليها دائره مدري كيف رسمتها هذا طائر مار والكميره ماجابته صح  وأنا أصور اعجبني البحر وخاصه ولون السماء شبه مندمج معاه  ناظروا الصوره زين اللبسوا نظراتكم تجهر الشمس  ثمن نزلت تحت في مكان فيه ظل وحطيت القهوة والشاهي وجلست اتفرج واتقهوا اللين شفت انه الصور بتظبط قمت وصورت هذا منظر من بيالة الشاهي قمت اصورها اعجبني التصوير  وهنا الشمس مايله شوي ما ضبطت الصوره  وهنا ضبطت الصوره وحطيتها توقيع لي ههههههه  وانا اصور مرت السفينه من بعيد ولقطتها ياحليلكم  كأنها قربت شوي هنا  وهنا وصلت للطرف الاخر من الكورنيش  وهنا الشمس في اخر لحظات غروبها  وهنا غربت الشمس تماماً  ثمن أخذت اغراضي وتوجهت للسياره مودع المكان اللي كنت فيه  وهذه المقصوره توجد سيارتي بجانبها قمت بالتقاط صوره لها  ثمن ركبت السياره ورجعت للمنزل بعدها طلعت معزوم للعشاء بمنزل احد قرايبي تعشيت ثمن رجعت للبيت وأتصلت بالنت الى حد طرحي للموضوع ,,, واليوم الاثنين راجع للعاصمه الرياض بإذن الله ,,, وسلامتكم عسى وفقت في طرح الرحله ونالت اعجابكم ,,, سامحونا على القصور والتصوير بكمرة الجوال يعني لا تشرهون على التصوير ,,, دمتم بكل خير احبتي والى اللقاء ,,,, |
|
12-11-2007, 07:30 AM
| ||||||||||||
| ||||||||||||
|
رد: رحلة حفيد مجمش بالصور
ماشاء الله حفيد ماقصرت ... والحمد لله انك انبسطت ... اسمح لي لطشت هالصوره من جد رووووعه المنظر ... يعطيك العافيه دمت بود
|
|
12-11-2007, 11:02 AM
| ||||||||||||
| ||||||||||||
رد: رحلة حفيد مجمش بالصور وااااااو حفيد رحله وصور وحركتات من جد الصور رووعه وخاصة صور البحر عند الغروب جوناااااااان اموت بالغروب والشروق انا،، بالعكس مافي قصور الصور واضحه وحلوووهـ كثير رحله حلووهـ كثيييير والله توصل بالسلامه الرياض ونورت الشرقيه،، انتبه لطريق ولاتسرع وانت راجع،، سلمت يدك ويعطيك العافيه،، وفا  |
|
12-11-2007, 12:00 PM
| |||||||||||
| |||||||||||
|
رد: رحلة حفيد مجمش بالصور مالك داااااعي ما اخذتني معاك <<<< ينقال انه بيروح نص الاسبوع وهذه الطلب الخاص فيني صوره جماعيه حفيد حبيبي ما كليت شئ ما شاء الله عليك يا سلام عليك وعلى رحلتك على كيف كيفك والله فلة الروحة بالحالك امنيتي اللي ما قدرت احققها بس ما شاء الله اصحابك كثير في الشرقية وبعدين انت مطلعني من المسابقة وانت في ستار بوكس يا اخي كان علمتني واقول وين جاه الذكاء منه !!!!!!!!!! حفيد عقبال ان شاء الله ما تنزل صور رحلتك لشهر العسل في المالديف تقبل مروري
|
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| منgعاتي ~ oـن حفيد مجمش ~ْ | حفيد مجمش | أخبار الرويضة | 33 | 18-01-2010 02:31 AM |
| حفيد مجمش الف مبروك ... | محمد | مرفأ البداية وروح التواصل | 32 | 11-09-2009 08:47 PM |
| حفيد مجمش وين الناس؟!! | محمد السهلي | مرفأ البداية وروح التواصل | 35 | 04-12-2008 06:29 PM |
| حفيد مجمش ..... في ورطــــــة... | مهرة النسيان | مساحة للضحك والفرفشة | 21 | 02-03-2008 02:45 AM |
 |  |
العرض المتطور
