|
رحالة الرويضة سيراً على الأقدام (صور نادرة) السلام عليكم ورحمة الله وبركاته رحالة الرويضة اللي راح اتكلم عنهم اليوم واكيد ان اغلبكم عند خبر وخلفية عن هذي الرحلة اللي كانت من مدينة الرياض الى الرويضة مشي على الاقدام ابطال هذة الرحلة هم شاعر الرويضة رحمه الله تعالى واسكنه فسيح جناته وهو ناصر بن سعود السهلي (ابو سعود ) اما الرحال الثاني فهو عبدالله بن سعود السهلي المعروف بأبو نادر وتفاصيل هذة الرحلة كاملة بصراحة انا لا اعرفها لكن اتمنى من اخوي ابونادر او أي واحد عنده تفاصيل اخرى لهذة الرحلة ان يزودنا ، بداية الرحلة كانت من عند نادي النصر بالرياض وانتهت بوصولهم سالمين الى الرويضة ومدة هذة الرحلة تقريبا حسب معلوماتي خمسة ايام وكانت عام 1409 او 1410 هـ ما اطول عليكم واتركم مع الصور ، واحب ان اذكر انه كانت هناك رحلة اخرى لاشخاص من الرويضة من الرياض الى الرويضة ولاعندي أي معلومات عنها لكني اذكر شخص واحد فقط من اعضاءها وهوعبدالله بن ناصر السهلي ( ابو كريم ) الصورة الاولى وفيها ابوسعود وابونادر http://www.ghalay.com/up/get-11-2007-9naeikk1.jpg وهنا اخو ابونادر محمد (ابونايف ) وسعود بن حسن ومتابعت الرحالة http://www.ghalay.com/up/get-11-2007-m6uh6k15.jpg http://www.ghalay.com/up/get-11-2007-y4o4pu05.jpg وهنا ابو نادر وتحية خاصة منه لكن منهيله ؟؟؟؟؟ http://www.ghalay.com/up/get-11-2007-8jwxl0hk.jpg وتقبلوا تحياتي . |
رد: رحلة ابوسعود وابونادر من الرياض الى الرويضة على رجليهم (صور ) http://www.ghalay.com/up/get-11-2007-y4o4pu05.jpg اللي يشوفهم يقول رواد فضاء الله يرحمك يابو سعود ويغمد روحك الجنة هذه يا طويل العمر كانت في شهر 5 من عام 1409 هـ وكان قد سبقهم رحالة اخرين ففي عام 1407 هـ قام سعد بن سعود بن حويل ابو مشاري والد العضو مشاري واخو العضو ابو نادر وعبدالله بن ناصر بن كريم بالمشي من الرياض الى الرويضة كما قلت سيرا على الاقدام لا اعتقد انه كان هناك مناسبة لهذه الرحلات وانما من مبدأ الرياضة للجميع والمحافظة على صحة وسلامة الاجسام واحياء ( لتراث ) الاجداد بالسير على الارجل آمل اني قد منت افدتكم |
رد: رحلة ابوسعود وابونادر من الرياض الى الرويضة على رجليهم (صور ) رحله حلوووهـ كثييير وماشاء الله عليهم وحلووو المشي يازينه والله،، صور حلوهـ يعطيك العافيه ماقصرت،، ابو نواف ماقصرت ع الاضافه والتوضيح يعطيك العافيه،، وفا http://www.3z.cc/sml/30/0001.gif |
رد: رحالة الرويضة سيراً على الأقدام (صور نادرة) الله يرحمك يابوسعود برحمته الواسعة ويسكنك فسيح جناته مهما تحدثنا عن هذا الرجل لن نوفيه حقــّه يملك وطنية وحب لمدينته الرويضة تتجاوز الجنون وصدق من قال ( ومن الحب ماقتل ) حبه للرويضة قلّ ان تجده في شخص اّخر . الرحلة كانت في شهر 5 من عام 1410هجرية وأذكر أنهم تحركوا من عند نادي النصر لأن أبو سعود رحمه الله نصراوي . وكنت من أستضافهم ليلة الرحلة الميمونة وعندها كتب الشاعر ابو سعود قصيدة يمدحني فيها ومما قال (حييـّت يابو(هلا) من حيث ماجينا ورحنا-- وهذا سبب تسميتي إبنتي (هلا) بهذا الاسم الذي كان نادرا التسمية به في ذلك الوقت -- سوف ابحث عن مزيد من الصور ان شاء الله - |
رد: رحالة الرويضة سيراً على الأقدام (صور نادرة) ماقصرت يابوهلا وياابونواف على مااضفتوه وتستاهل يابوهلا هذي التحية من ابوسعود اللي في القصيدة وياليت تذكر القصيدة كاملة اذا هي عندك ، وما ادري وش صار على القسم الخاص بالصور القديمة عن الرويضة واهلها . واشكر ايظا الاخت وفاء العيون على المرور |
رد: رحالة الرويضة سيراً على الأقدام (صور نادرة) الراسي يعطيك العافية على الموضوع و الذكريات الجميلة و الصور الحلوه رحم الله ابو سعود رحمة واسعة واسكنه فسيح جناته و امد الله في عمر ابو نادر على طاعته لكن من يكون لديه التاريخ الاكيد ابو نواف يقول 1409 وابو هلا يقول 1410 وكلهم متفقين على شهر 5 |
رد: رحالة الرويضة سيراً على الأقدام (صور نادرة) الله يرحم ابو سعود ويغفر له ,,ذكريات وصور قديمه حلوه ,,, لاهنت الراسي ,,يعطيك العافيه |
رد: رحالة الرويضة سيراً على الأقدام (صور نادرة) الله يرحمك يابوسعود برحمته الواسعة ويسكنك فسيح جناته صور جميله وتذكاريه رائعه يعطيك العافيه الراسي علي الصور الجميله واذا عندك صور قديمه ياليت تنزلها |
رد: رحالة الرويضة سيراً على الأقدام (صور نادرة) السلام عليكم أنا أذكر الرحلة تماماً وأظنها في عام 1410هـ وقد التقيت مع والدي بالأستاذ ناصر بن سعود رحمه الله عند أمير الرويضة وكانت رجلين أبو سعود متورمة من المشي ولايقدر يتحرك لاهنت يالراسي على الصور |
رد: رحالة الرويضة سيراً على الأقدام (صور نادرة) شي رائع وجميل ما قدمته اتذكرها لكن بالتحديد للاسف |
رد: رحالة الرويضة سيراً على الأقدام (صور نادرة) رحم الله ابا سعود وادخله فسح جناته بس الصوره خل عنك كانهم رواد فضاء ولاهنت اخي الراسي على تذكيرنا هذه الرحله |
رد: رحالة الرويضة سيراً على الأقدام (صور نادرة) الله يرحم ابو سعود ويغفر له ,,ذكريات وصور قديمه حلوه ,,, يماحلا نبث الماضى واسترجاع الذكريات الحلوة |
| الساعة الآن 03:08 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..