مجالس الرويضة لكل العرب - فارس مسابقة النبطي (بن مهنا)

مجالس الرويضة لكل العرب (http://www.rwwwr.com/vb/httb:www.rwwwr.com.php)

- نشيد الروح (http://www.rwwwr.com/vb/f37.html)

- - فارس مسابقة النبطي (بن مهنا) (http://www.rwwwr.com/vb/t9348.html)

فارس مسابقة النبطي (بن مهنا)

بسم الله الرحمن الرحيم

هذه مشاركتي وهي في الذب عن عرض الرسول صلى الله عليه وسلم

ولو فعلنا وقلنا يبقى قليل بأبي هو وأمي

اللهم صلي وسلم عليه

يالله بدلها عن العسر باللين** وسهل علينا كايدات الظروفي

يالله وانا طالبك يالله وآمين ** بدل همومي يالطيف" عطوفي

الهم يلعب بي ليا قرت العين ** يجنح بقلبي جنحة اللي تطوفي

لا فاد طب ولا يفيد المداوين ** وأنت الرحيم اللي بخلقه يروفي

مشكاي لك يالله انا أول وذلحين ** وأنت القوي اللي تعين الضعوفي

ياناصر" جندك بيثرب وحطين ** هون هموما" في ضلوعي تلوفي

الياء انتصف ليلي غدى الليل ليلين ** والنوم لعيوني حريبا" عزوفي

لا تحسبونه عشق وأقول مخطين ** الهم في عشق الصبايا حسوفي

وياليتها دينا" وأروح اقضي الدين ** والهم يقطع دابره بالكفوفي

لاشك انا قلبي تمرمر بثنتين ** ثنتين للمؤمن تجيب الحتوفي

ألأوله رسم اليهود الملاعين ** بمسابقه حطت وكل" يشوفي

وسط الجرايد طالعتها الملايين ** ارسم نبي الله وهات الظروفي

والثانيه شينه على مستوى الشين ** الأمه اللي ما تحرك وقوفي

ما عاد به والله بكره وبعدين ** حرب" علينا وأظربوا للدفوفي

حنا هل النصره وحنا السلاطين ** وأهل السيوف اللي تخل الكتوفي

ياخادم البيتين فج الميادين ** وحنا جنود الله من دون خوفي

نبغى ندوس الكفر وأنذلهم لين ** تبرى هموم"ساكنه كل جوفي

هذا النبي الهاشمي كان ناسين ** الصادق المعصوم كمل الوصوفي

واللي بعثه اغلى من الروح والعين ** ولا جاء عليه السب ماعاد اشوفي

يالله تخزيهم على ويش ناوين ** يالله شتتهم بريحا" عصوفي

هذا نبي الله مبعوث بالدين ** دين السلام ودين عدل ونصوفي

والله لو ولفت كتب ودواوين ** مدح لنبي الله فلا هيب توفي

لوقلت مثل البدر اشوفه الزين ** ولو قلت مثل الشمس فيها خسوفي

حبه ينور في قلوب المصلين ** نور" بلا خسف" ولا به كسوفي

فرسالته نور ودليل وبراهين ** شال الظلام وحط كل الحروفي

ثنتين ياقلبي بحد السكاكين ** ومالوم عيني لو تجافت ذروفي

يالله تزينها برحمتك وأتزين ** وأتوحد الأمه وترفى الصفوفي

== السلام عليكم ورحمة الله وبركاته =

تنافس 4 شعراء على مديح الرسول صلى الله عليه وسلم

وهم كاتم الاهات --ياسر الصعب --سيف بن مهنا - علاء الدين

وقدموا قصائد جميلة ومؤثرة ولأن من شروط المسابقة ان تكون القصائد

بالشعر النبطي وبعد معاينة لجنةتحكيم من خارج المنتدى ولهم باع كبير بالشعر النبطي

والفصيح تقرر ::::::::::

فوز الشاعر سيف بن مهنا السهلي بالمركز الأول وجائزة ألف ريال
فيما تم حجب الجائزتين الثانية والثالثة لعدم توافر شروط المسابقة عليها

مع التأكيد على روعتها ولكنها جمعت بين الفصيح والعامي ومنها من مال كاتبها

للفصيح بنسبة كبيرة ----:mo3ln_com_Wx7y 1PKg1

باركوا للشاعر سيف بن مهنا وسام مسابقة الشعر النبطي

وحظا اوفر للبقية --