أجمل حكاية أجمل حكاية (1) لسة حسة بيكِ جنبى مالْيَه بيتِك .. مالْيَه قلبى إنتِ غبتِ عن عينىَّ بس لا .. عمرِك ما غبتِ المكان و الله فاكرِك و الحيطان تحكى حكايتِك لمّا ضحيتى بشبابِك و الجمال كان رأس مالِك بعتِ أيامِك عشاننا قلتِ نارنا أحلى جنة كنتِ بينا و كنا بيكِ قبل ما تفارق عينيكِ كنتِ جنتنا الجميلة لمّا كنا بين إيديكِ بتراعينا .. بتشيلينا تدعى لينا .. و تداوينا و بحنانِك تحضنينا لسة حسَّاكِ معايا رغم إنك مش معايا بس تأثيرِك ح يفضل يتحكى أجمل حكاية |
رد: أجمل حكاية أجمل حكاية (2) لسة حاسس قلبى حبِّك لسة دفيانة بحضنِك كل ركن تروح له عينى ألقى فيه مرسومة صورتِك ترجع الذكرى لخيالى و افتكر أيام حنانِك و افتكر أحلى كلامِك لمّا كنتِ بتنصحينى و تقوليلى " خللى بالِك " مين يعوضنى ده كله ؟ لو تعبت .. مين ح ييجى جنبى و يطبطب علىَّ ؟ لو زعِلْت .. مهما أشكى هو مين ح يحس بىَّ ؟ هو مين ح يقوللى " مالك " حتى لو بِكْيِت عينىَّ ؟ لأ .. مافيش من بعدك انتِ حد تانى يخاف علىَّ إنتِ كنتِ كل حاجة كنتِ أبويا و كنتِ أمى ياللى كنتِ أحلى صورة و أحلى صوت بينادى إسمى كلمة طول عمرى باقولها أحلى كلمة لسانى قالها لمّا كنت باقول " يا أمى " لسة حسَّاكِ معايا رغم إنك مش معايا بس تأثيرِك ح يفضل يتحكى أجمل حكاية |
رد: أجمل حكاية أجمل حكاية (3) لسة فاكرة لمّا كنتِ شمعة بتنوَّر ولادها إدتينا نور شموعِك و انتِ خدتِ كل نارها إدتينا سنين جميلة كنتِ إنتِ أَوْلَى بيها و الحياة نادت عليكِ تحضنيها و تعيشيها بس من خوفِك علينا لَلحياة تلهيكِ فيها قلتِ لا .. تِحرَم علىَّ الحياة و احرَم عليها الحياة هىَّ ولادى و السعادة لمّا اشوفهم يكبروا قدام عينىَّ يبقوا حاجة عظيمة تِفْرِح قلبى و تعوض علىَّ اللى قاسيته فى حياتى جايزتى م الدنيا هىَّ إن لمّا الناس تشوفهم يفخروا بيهم و بىَّ يا سلام .. و الله ده انتِ مش كفاية عليكِ جنة ده اللى زيك يتفرش له ألف نهر و ألف جنة ياللى كنتِ أحلى شمعة نورِت لينا حياتنا لسة حسَّاكِ معايا رغم إنك مش معايا بس تأثيرِك ح يفضل يتحكى أجمل حكاية |
رد: أجمل حكاية أجمل حكاية (4) لسة بابكى و لسة ح ابكى مهما طال العمر بىَّ كل ما افتكرِك يا أمى الدموع تعصر عينىَّ قد ايه من بعدِك انتِ شفت قسوة كتير علىَّ م اللى بيقولوا شقايق بس لا .. و الله لا القلوب مش هىَّ هىَّ كل واحد لمّا غبتِ اشترى لنفسه مراية إشترى أنانيته بِذُل نفسى و بشقاىَ و ابتدى الحرمان يصاحب وحدتى ما بقيتش عارفة ايه نهاية غربتى ؟!!! القسوة زادت عن حدودها و اشتكيت ربى اللى عارف شكوتى من غير ما اقولها .. إنما قلبى معاه راضى بنصيبه و قسمته حرمانى منك هو عارف حكمته و انا لو حزِنْت أو بكيت عمرى ما اقدَّر نعمته هو اللى صَبَّرنى و رَبَط على فؤادى و ثَبِّتُه و لولاه ما عشت دقيقة واحدة بعدِك انتِ يا أغلى حاجة ياللى مالقيتش لحنانِك شىء يعوض أى حاجة ياللى حسَّاكِ معايا رغم إنك مش معايا بس تأثيرِك ح يفضل يتحكى أجمل حكاية |
رد: أجمل حكاية كلمات جميـــلة عيـــن المها يعطيك العافية تقبلي مروري / \ روحــ تحبك ــي |
رد: أجمل حكاية . . محجــــــــــــ وز حتى ألملم روحي التي تبعثرت هنا !! . . |
رد: أجمل حكاية أخى العزيز / روحى تحبك سعدت و أسعد دوماً لمرورك الجميل كل التحية و التقدير . |
رد: أجمل حكاية حبيبة قلبى تـــقــــــــــ ـى روحك غالية .. غالية .. غالية و إحساسك أروع من الروعة كلماتك تخترق القلب و تنتشى بها الروح و يسعد بها الوجدان حبيبتى تــــقـــــــــ ـــــى تسلمى لى و تسلم لى روحك الغالية مع كل حبى و أرق أمنياتى و تحياتى . |
رد: أجمل حكاية الفاضله \\ عين المها فى الحقيقه فى الحقيقه لااجد من الكلمات التى اعبر بها عن مشاعرى وانا اقرا هذا المخطوط بل استطيع القول وقفت القلم عاجزا حائر على ان يسطر احاسى بهذة الكامات الرائعه ولكى عظيم شكرى وكل تقديرى |
رد: أجمل حكاية حكايات ما اجملها بانتظار ابداعك القام الاجمل |
رد: أجمل حكاية عين المها سلمتي يمناك ع الحكايات الجميله |
رد: أجمل حكاية حتما سأكون هنا دوم ٍ تحيتي نواف |
رد: أجمل حكاية ع ـيـن،، اقف احتراما لأصفق لكلماتك الرائعه،، وحكاياتك التي شدتني اليها عذوبتها وشفافيتها،، سلمت اناملك الذهبيه ويعطيك العافيه يالغلا وفا http://www.3z.cc/sml/30/0001.gif |
الساعة الآن 11:28 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..