محاورة حماسيه بيني والشاعر عبدالحكيم العتيبي

هذه المحاوره جرت احداثها في احد المنتديات بيني والشاعرعبدالحكي م العتيبي وكان فيها نوع من التحدي اترككم مع مجرياتها

عبدالحكيم العتيبي

سلام الله سلام اغلى من عقود الذهب والماس= سلامن مصدره صادق من اقصى القلب ولساني
اشوف القلب ياعليوي يدق بداخله هوجاس = نبا نلعب يابو يمن مادام الطرق سراني

علي بن درهم الأشول

هلا باللي تعابيره تهيض خافق الإحساس = هلا مليار في مليار من قلبي ووجداني
هلا بك ياعتيبي الجد عددمانسنس النسناس = سلمت وهات طاروقك تفضل نص قيفاني

عبدالحكيم العتيبي

الاياصاحبي عطني قلم ثم عطني الكراس = ابا ادرسك واعلمك ذا القعده وشعباني
تطلع في عنان الخيل عانه عندكم منحاس = اشوفك تركب المهره بدون السرج وعناني

علي بن درهم الأشول

أنا دكتور ماجستير مايحتاج للدراس = وطلاب الشعر مثلك بلاش الدرس مجاني
على صهوة أصيل الخيل دايم مانوطي الرأس = أناخيالهافالحرب فارس كل ميداني

عبدالحكيم العتيبي

انا بحر يابويمن ويغرقبه مية غطاس = ولن تطمع بموج البحر سميناك غلطاني
انا عساس كل اديارمايمشي بها عساس = وخيلك ماتجملبك ليا واجهة عتباني

علي بن درهم الأشول

يماني وأفتخر بأصلي وبحرك حبر في قرطاس = وموجك في بحوري ضاع وانا سايس و قبطاني
تعسس بس لاتنسى ترى الهجرس قتل جساس=وأنعم فيك والعتبان قاصيهم مع الداني

عبدالحكيم العتيبي

الاياصاحبي يلي تغني مانت ابو نواس = فلايمكن تعداني ولايمكن تحداني
تراك انته مثل لقمه وتطحن داخل الاضراس = كسبنا النعم غصبن عنك وانشد كل قوماني

علي بن درهم الأشول

أبو نواس ماعاصر زمان النت يادواس = تعشى رز و مفطح إذا ماكنت جوعاني
اناماقلت فيكم شي وانعم ياشديدالباس = وفن الشعر ياشاعر مشاعر بحروأوزاني

وسلامتكم اخوكم المخلص علي بن درهم الأشول