مجالس الرويضة لكل العرب - رائعة لسيف بن محمد السهلي

مجالس الرويضة لكل العرب (http://www.rwwwr.com/vb/httb:www.rwwwr.com.php)

- نشيد الروح (http://www.rwwwr.com/vb/f37.html)

- - رائعة لسيف بن محمد السهلي (http://www.rwwwr.com/vb/t8646.html)

رائعة لسيف بن محمد السهلي

السلام عليكم ورحمة الله وبركاته

هذه قصيدة الشاعر سيف بن محمد السهلي شاعر المناسبات بالرويضة
القاها في افتتاح المكتب التعاوني للدعوة والارشاد وتوعية الجاليات
بالرويضة في يوم الاثنين الموافق 21 شعبان 1428 هـ

يالله ياخالق بن آدم من الطين = ياربنا ياللي عليك اعتمدنا
يارافع سبع بليا عمادين = وبسطت سبع وفوق سبعك شهدنا
ندعو ودايم في دُعانا ملحين = عطفك وذكرك بألسنتنا عقدنا
تعزنا بالدين يا ناصر الدين = ومن مدتك بالعون محدن ضهدنا
دين التسامح شوهوه الشياطين = يخزي مشوهته ولو هي من ادنى
حنا من اهل العنف والله بريين = باحكامنا وافكارنا ما انفردنا
تشريعنا القران خير البراهين = وسنة نذير الخلق منها مددنا
حنا هل التوحيد حنا الشريفين = اسلامنا عن واجبه ما رقدنا
منا المشايخ والدعاه العفيفين = دعوة سماوية عليها اجتهدنا
والامر بالمعروف يلقى له معين = الله لا يخلي هله من بلدنا
في ارضنا في مملكتنا الحرمين = ارض الحرم ونكرم اللي وفدنا
مهبط وحي قبلة الاف الملايين = ومنها رسول الله وفيها سعدنا
المصطفى خاتم جميع النبيين = شلة يدين اللي برسمه عمدنا
حنا على درب السلف مستقيمين = امانة معنا وتبقى بعدنا
نخدم وفود البيت لا جوا ملبين = المال يصرف والسهر ما جهدنا
بقيادة اللي للشريعة حريصين = العدل قايم والمهند سندنا
لطامة العايل صعوط المجانين = عاشو ملوك العرب تحيا يا اسدنا
خدام بيت الله ذخر للمسلمين = من غيرهم شفنا وسمعنا ووجدنا
عالم يجوب مع الفتن والقوانين = والحمد لله عن رحاها ابتعدنا
حنا بامان وخير عشنا هنيين = في نعمة كلٍ عليها حسدنا
والحسد يكبر في قلوب الحسودين = يوم الشقى والجوع محد نشدنا
ويا دار دار العرب والسلاطين = على الوفا نبقى ونوصي ولدنا
حبك سرى في الدم وسط الشرايين = حنا عيالك يا امنا ما جحدنا
دونك نبيع الروح وسط الميادين = على الوعد نصدق الى جاء وعدنا
ناطا على روس الخفاش السقيمين = بياعة المربى عليها اتحدنا
أفكارهم غسلت وجونا مغيرين = خوارجٍ ما نقصوا من عددنا
ولا به على الدنيا عبادٍ مقيمين = يا ما من الغالين فيها فقدنا
آمالنا فيها قصور وبساتين = غفلة ومن لوعاتها ما استفدنا
الرابح اللي حط له في الموازين = خيرٍ لوجه الله الى من حشدنا
ويالله يا منزل تبارك وياسين = تحسن خواتمنا الى جاء وعدنا

الشاعر سيف بن محمد السهلي