|
يصدق الياهو او يكذب بسم الله الرحمن الرحيم السلام عليكم احبتي أعضاء و زوار مجالس الرويضة "كذب المنجمون ولو صدقو" اليوم من صباح الله خير قايم شبعان نوم وكنت ناوي القط العراوي للرويضة لكن ماراد الله اني اسافر، قلت ياعاشق الرويضة مالك الا النت و فعلا شبكت النت ومن موقع لموقع حتى استقر بي الى الياهو ودخلت على حالة الطغس، ويقول الياهو والعلم عند الله اليوم و بكره وبعد بكره امطار على الرياض. المهم قلت للياهو ابي اشوف ديرتي الرويضة وش اخبار المطر ، قام وسوي لي بحث وقال اسف ديرتك احداثياتها مهيب عندي، وانا بصراحة ماعندي احداثيات الرويضة ، اللى منكم ياشباب عنده احداثيات الرويضة الله لايهينه يعطيها ياهو الله ياخذه (اقصد الياهو)عشان يضيف الرويضة. ذبدة الكلام امطار على الرياض اليوم وبكره. يارب تسقي الرويضة وماحولها يقول السعيدي رحمه الله عسي يسقي الرويضة من حقوق الوبل وسمية ............... ............من السرداح الى عروي تضيق بها الشعابيني تحياتي |
اتمنى ان يسقينا الله غيثا مغيثا .. وان يعمر البلاد بالخير ووابل المطر ... كانت روحك مرحة هنا ... وكنت دون ان تعلم غيثاً... تحياتي أخي .. |
امل السرحان لايخفي عليك حبنا للمطر وسؤالنا دائما عن اخباره هذه عادة ابن االصحراء، كم نكون سعدنا حينما ننصب الخيام في وسط الصحاري وخيامنا يحيط بها الخزامي والشيح وغيرها من نبتتات الارض الربيعية. رشات المطر وجريان الوادي منظر يسر العين قبل الخاطر، اسئل الله العلي القدير ان لايحرمنا من خيره وان ينشر رحمتة على البلاد والعباد. شاكر ومقدر حضورك اختى |
عاااااااااااااا شق هذه احداثية الرويضة غصب عن الياهو يقبلها N 23.46.00 E 44.46.00 عاشق الريم كني اشم ريحة مطر بيجينا الليلة وبكرة الجمعة توقعاتي والله اعلم مشكور عاشق |
عسي يسقي الرويضة من حقوق الوبل وسمية ............... ......... من السرداح الى عروي تضيق بها الشعابيني الله يجعله وتسيل |
صار تشم زين يابو نواف مشاءالله عليك اما مايخص الاحداثيه غصب يقبلها لكن شرط علينا الانتظار في السرى حتى اشعار اخر يقولون والعهده على الراوي ان مناطق الفقع في الشمال سالت اليوم والبارح وقبلها بسبوع بعد سالت، يعني مشاءالله هذى السنة بنلقط الفقع . |
ما شاء الله المسأله فيها " فقع " لا تنسونا تكفون ... اذا سريتم للشمال بلغونا ... الله يجيب السيل .. ويكثر علينا وعليكم الخير... |
آمين تسيل وينزل البركة شكرا لحضورك اخوي محمد |
اقتباس:
بداية موسم ربيعي جميل شهدتها مناطق المملكة توحي بظهور الفقع، واخص الشمال والشمال الشرقي من المملكة. انا مجهز نفسي من الحين واللى يشوف في نفسة مقدره وفاضي ويتحمل برد الشمال يخاويني. ولاتنسون الشاعر يقول: هبت هبوب الشمال وبردها شين.:10: واللى منكم مايقدر او تمنعه ظروفه مستعد نرسل له 5 كيلو "زبيدي" هدية أمل السرحان تشرفت صفحتى بحضورك |
مرحبا بك أخي الكريم ما قصر ابو نواف اعطاك الاحداثية يعني معاد لك عذر وافنا بالجديد الله لا يهينك |
اقتباس:
الجديد ياعبدالله ان شاءالله الليلة بتسيل الشعيبة والعهده على الياهو:36_1_56: |
| الساعة الآن 09:36 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..