الخيانة بصورة جديدة

السلام عليكم ورحمة الله وبركاتة
ابي اقولكم قصة واتمنى ان تعجبكم


كان في شاب طيب وحنون ومايحب المشاكل وحالة حال نفسه وكان له صديق ومن عايلة لاهم فقرا مرة وهم اغنياء مرة يعني ممكن نقول وسط او اقل كمان
فكان يقعد دايم مع اصحابة (بالثنوية) يتكلمون في اشياء عدة ومن هرجة في هرجة وعلى سمعت الاغنية الفلانية وهي حلوة مي حلوة وعلى دا الحال الا ان تطور الامر وكبرو سنة وحدة سارو ثالث ثانوي وبدا الكلام في الحب وهدا عندو خويه تحبو ويحبها والثاني يكلم عشان يتسلى واخينا ولا هو معاهم كان دايم بالو مع الهروج بس ماعمرو حاول يتكلم مع بنت
وفي يوم من الايام جا صديقو الي دايم معاه
وقالو عندك ايميل قالو لا ماعندي بس ابي اسوي بس مو عارف كيف وعلموا وسوى ايميل وسارو كل يوم يتكلمو مع بعض في الايميل الين يوم جا خويو وقالو ايش رايك اديك ايميل بنت هداك التلخبط مو عارف هو فرحان هو مايبغى المهم
هداك (الي هو خوي الولد الي نتكلم عنو) كان يعرف بنت مي عاجبتو قال خليني اديها خوي يتعلم ويكلم بنات ويعيش حياتو ومايدري ان خويو عندو مشكلة الا وهي انو حساس زيادة عن الزوم
المهم ادى البنت ايميل الولد والبنت ضافة الولد والولد كمان ضاف البنات
واول مادخلت البنت قالت هاى الولد ارتبك ومو عارف ايش يرد المسكين كتب (هلا) وقعدو على كيف الحال ايش الخبار ايش اسمك من وين العمر كم ومن دي الشياء الي نقدر نقول عليها تعارف
وتكلمو يجي اسبوع وقال الولد ابي اسمع صوتك (بدا يحبها) وادتو الرقم وسارو يتكلمو على التلفون كل يوم وبعد كم يوم قلها ابي بوسة قبل منام قالتلو هدي احلى بوسة (على الجوال) المهم الولد مو مصدق نفسوا طار من الفرح طبعا البنت متعودة اصلا كانت تكلم خويو
وتطورت العلاقة بالنسبة للولد وسار الكلا (حياتي حبيبتي عمري فديتك) ومن دا الكلام والولد المسكين حبها وهي عادي لاحبتو ولا شي زي الناس الكثير الي عرفتهم
جا في يوم من الايام جاخويو قالو كيف الشغل معك هااا كيف البنت هداك اتنهد وقال الحمد لله والله انها طيبة وعلى نياتها وتحبني وخويو قدر صعوبة الموقف لانو خويو كان يكلم البنت وقالو اسمع قبل لاتحبها ترى انا اكلم البنت
وراح خوي الولد وقال للبنت انتي ايش مسوية للولد وقالتلو اسكت خويك مات فيا يحبني مرة ولو تسمعوا شكلي ماروح من بالو وقلها خوي الولد ابعدي عنو قالت لا انا ابي اتسلى وهو طيب وعلى نياتو وحبوب ويحبني
واليوم التاني الولد كلم البنت وقلها انتي تعرفي (يقصد خويو) قالت ايوة قال طيب انا احبك ولا ابيكي تكلمي قالت البنت امر ياحبيبي الولد لامى سمع الكلمة داب ونسي نفسو
وراحت الايام وجات الايام


وعرف الولد انها تكلم خويو لسه وخويو مايعرف انها تكلمو والتنين تلعب فيهم البنت وهم ماهم داريين والبنت مبسوطة تكلم الاتنين
وكلمها الولد الطيب وقلها انا خلاص ماعاد ابيكي انتي كذبتي علي وخويو تركها كمان قامت البمت راحت للولد الطيب وقالتلو خويك سابني كلمو عشان يرجع لي وحاولت تخرب بينهم لاكن هم كانو مرة اصحاب وتعقد الولد المسكين وسار يكرة سيرت البناتكلو بسبب وحدة ماتستاهل وجا خويو واعتذر وبعدها الولد ماقدر ينساها وسار مجروح جرح كبير وكانت عمرها ماراحت من بالو ومرت الايام ولحد اليوم مانسيها لانو اول حب في حياتو وماهو اصلا حب بس لانو مشكلتو ان قلبو طيب ورهيف وسار مايحب يسمع اغاني الا الحزين ويفكر في كل يوم يعدي انها تبي تدق عليه


وهذي نهاية القلب الطيب .




واتمنى ان تستفيدو من هذي القصة (ترى قصة حقيقية)