|
حسبي على اشارات الرويضة بغت تهلكني ........؟؟ قررت امشي على رجليني طبعا" بعد ماتعشيت في الدخل المحدود ويوم إني وصلت الإشارة اللي في بداية شارع الدانة قلت ابتبع النظام وأكون نظامي وامشي مع الطريق المخصص للمشاة بدال ما اطمر الأرصفة وياليتني طمرت الارصفه كان اشوالي من اللي صار لي عند الإشارة اللي وهقتني وبغيت أروح ضحيت إشارة . تبون الصدق نقدت على عمري لان اللي حطوا الإشارات في الرويضة ماعطوها أي اهتمام ولاعليهم من اللي يقطعها ولا يدرون هي شغالة ولا لا عموما هذي الصورتين شوفوها وركزوا على الإشارة الخاصة بالمشاة ولا تمشون عليها ابد الصورة الاولى http://4up.3omre.net/get-9-2007-19xyvsma.jpg والصورة الثانية هي الموهقه لا تصدقونها http://4up.3omre.net/get-9-2007-xhjiakou.jpg |
رد: حسبي على اشارات الرويضة بغت تهلكني ........؟؟ هذي اول الإشارات .. يالله فال خير والحمدلله على سلامتك لاعاد تطلع من بيتكم .. وبالنسبة للإشارة فيها خلل فني لانها ماشاء الله مطقمه يا أخضر يا أحمر .. |
رد: حسبي على اشارات الرويضة بغت تهلكني ........؟؟ ملاحظة مهمة اخوي الراسي وبصراحة ايضا الجميع يعاني من عملية تقطيع الاشارات وبصفة مستمرة وللاسف من ناس متعلمين وفاهمين ولا تتوقع ان تصدر من احدهم والمشكلة الكبرى ان عذرهم الجميع يقطعها فكيف بهم وهم القدوة فقد حصلت لي مرة بعد صلاة جمعة واقف على نيتي انتظر الاشارة وتفتح مشيت ولكني كنت منتبه فاذا بسيارتين كلهم قاطعين اشارتين منهم شخص لم اكن اتوقعه وربك يلطف والقانون المتعارف عليه الان سواء خضراء او حمراء وللاسف اقولها خذ حذرك |
رد: حسبي على اشارات الرويضة بغت تهلكني ........؟؟ الراسي الحمدالله علي سلامتك والله الاشاره مدري وش بلاها لكن الله يعينكم |
رد: حسبي على اشارات الرويضة بغت تهلكني ........؟؟ الحمد لله على السلامه انتبه يالراسي وهذي المره جت سالمه لكن انتبه المره الثانيه |
رد: حسبي على اشارات الرويضة بغت تهلكني ........؟؟ احمد ربك على السلامة خذلك سير كهربائي |
رد: حسبي على اشارات الرويضة بغت تهلكني ........؟؟ ايو الله يالصارم صدقت ماله الا سير كهربائي اسلم له بس يحطة في وجه المكيف عشان الحرارة الراسي الاشارات عندنا خطرها اكثر من فائدتها والا معقولة تخلى بدون مراقبة على طول اقل شئ يراقبونها ساعة في اليوم وقسيمة والا قسيمتين وبعدها الكل راح ينضبط ويصير لها احترام بس هالحين ما صلحوها بيراقبونها مشكور الراسي على الملاحظة الجميلة |
رد: حسبي على اشارات الرويضة بغت تهلكني ........؟؟ الحمدلله على السلامه.. أصلا محد يلتزم فيها.. كل الشباب يقطعونها.. |
رد: حسبي على اشارات الرويضة بغت تهلكني ........؟؟ يالطيف بغيت تروح يالراسي الحمد الله انا هاك اليوم وانا واقف عند الاشاره طبعن اللي انت حاط صورتها وكانت الاشاره حمرا وانا واقف عندها الا بهاك الاجودي اللي جاي يمشي طبلونه ولا حسب لها حساب جاي من جهة الدانه يعني مفروض يوقف معي عندها ولك الله فيه واحد جاي من اتجاه القصر والا والله صوت صريخ الكفر قدامي انا تبنجت محلي احتريه يصفقه لاكن الله ستر , اللي قاهرني أنه يشوفني واقف عند الاشاره ليه الاستهتار والتهور , في الحظة ذيك تمنيت اني رجل مرور كان ألزخه بقسيمة وتوقيف اللين يعرف بها مره ثانية على العموم الحمد الله على سلامتك يالراسي سير كهربائي مثل ما قالوا الشباب افيد لك . دمت بخير - حفيد |
رد: حسبي على اشارات الرويضة بغت تهلكني ........؟؟ الحمدالله على السلامه انتبه المره الجايه وعلى قول الامثل مهيب كل مره تسلم الجره ولا تاخذ على خطرك من الأشاره تراجانا صيف شمسه تخلف الصاحي الي يتعرض لشمس يابال ها الأشارة الي مسنتره بهالشمس اربعة وعشرين ساعة على الفاظي والمليان وعندي لكم بشاره خابرن بعض الناس بيتضايق من ها الخبر سيتم افتتاح مركز المرور بالرويضة بها السبوعين المقبله |
رد: حسبي على اشارات الرويضة بغت تهلكني ........؟؟ الراسي يعطيك العافية على الملاحظة الجميلة بس قلي من متى وانت تمشي على شارع الدانه ؟ وأنا مضيعك لي أسبوعين واقول وين يروح الراسي . أثاريك رياضي على غفله . |
رد: حسبي على اشارات الرويضة بغت تهلكني ........؟؟ اللي يشوف إشاراتكم ذي يحسبن حنا في العلياء ... وبعدين ما فيه زحمه تحتاج ولو إشارة .. |
رد: حسبي على اشارات الرويضة بغت تهلكني ........؟؟ والله كلامك صحيح يالراااسي ماعندهم اهتمام مرره اول ماجيت الرويضه بعد ماركبوها كنت اوقف عندها < متعود على اشارات الرياض واشوف الناس تقطعها يمين ويسار وواحد وراي يطق بووري يقول ميدي اقطعها واللحين خربوني قمت اقطعها هههههههههههههه والحمد لله على سلامتك |
| الساعة الآن 04:59 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..