امير نجد وللمراجل علامة

أمير نجد وللمراجل علامة





سيف بن محمد السهلي رويضة العرض

هذه القصيدة في صاحب السمو الملكي الأمير سلمان بن عبدالعزيز أمير منطقة الرياض حفظه الله بمناسبة مساعيه الحميدة التي تكللت ولله الحمد بالعفو من فيصل البقمي عن القصاص في اثنين من أبناء قبيلة السهول جزى الله ذوي القتيل خير الجزاء وأسكن القتيل فسيح جناته.

سلام يامن تفعل الخير يمناه =سلام يارجل يزيد احترامه
سلام ياميرٍ حميده سجاياه =أمير نجد وللمراجل علامه
شيخ الشيوخ الصيرمي لاعدمناه =شيخٍ على العلياء يبني خيامه
معتق نفوسٍ فالليالي تحراه =الشرع صادر والشريعه مقامه
ومن فضل ربي ثم فضله ومسعاه =العفو تم بجهد راع الشامه
عسا الولي يحفظ مقامه ويجزاه =بالعتق من ناره نهار القيامه
زبن الأمور النايبات المخلاه =هذي مواقيفه وهذا نظامه
مفتوح بابه للمواطن ومن جاه =قصره بخلق الله يزيد ازدحامه
مرجع لعطران الشوارب وتنصاه =ما يلحقه طول الليالي ملامه
عادل يحب العدل والعدل مبداه =ويعدل الغلطه بسلة حسامه
يحلم بوقت الحلم والحلم يزهاه =وليا غضب موجٍ يروع التطامه
سلمان من يقدر يسوى سواياه =فيه الشجاعة والوفاء والكرامة
ابن الزعيم اللي عسى الخلد مثواه =عساه في الجنة تخلد عظامه
عبدالعزيز مؤسس الملك وارساه =بالدين والسيف المهند أقامه
وأرث ملوكٍ باشقر الدم تفداه =لطامة العايل زحول الزعامه

الشاعر سيف بن محمد السهلي

المصدر جريدة الرياض

اليوم الثلاثاء 22 / 5 / 1429 هـ

http://www.alriyadh.com/2008/05/27/article345726.html