|
من النـــــــــــا در جدا ؟؟؟ من النادر جدا من النادر جدا.... ان تجد مواطن سعودي ماعنده جوال من النادر جداً ....ان يتخرج الواحد من الثانوي ويلقى وظيفة على طول من دون واسطه من النادر جداً ....من النادر جدا ان تنجز هاليومين معامله حكوميه من دون واسطه من النادر جدا....ان تلقى مدينه في بلادنا الحبيبه مافيها مدرسة مستأجرةً من النادر جداً....انك ماتلقى مواطن ماعنده مديونيه لدى شركة الاتصالات السعودية من النادر جداً....ان تلقى مواطن ماعنده مخالفات مروريه من النادر جداً ....ان يفوز او يتاهل نادي النصر ===> (لاتزعلون مني ياجماهير النصر) من النادر جداً....ان تلقى واحد ماعنده ديون ====>حتى مغاسل الملابس صار فيها دفتر حساب من النادر جداً ....ان تلقى مكان ترفيه غير محصور للعائلات من النادر جداً ....انك تلقى طالب هالايام مايغش في الامتحانات من النادر جداً ....تلقى شاب عاطل عن العمل مايعسل او يدخن من النادر جداً ....ان تلقى واحد من شباب اهل الشرقيه مايروح اسبوعيا البحرين من النادر جداً ....ان تلقى واحد ماخش عالم الاسهم حتى ولو عن طريق الاكتتاب من النادر جداً ....ان تلقى مواطن رومانسي مع زوجته من النادر جداً ....انك تقولب بهالفضائيات ولا تلقى اغنية مافيها خلاعه من النادر جداً ....انك تشوف فلم هندي مافيه اغنيه من النادر جداً .... انك تلقى مسلسل مدبلج اقل من 200 حلقه ارجو اني ماطولت عليكم م .ن |
رد: من النـــــــــــا در جدا ؟؟؟ من النادر جداً ....ان يتخرج الواحد من الثانوي ويلقى وظيفة على طول من دون واسطه من النادر جداً ....تلقى شاب عاطل عن العمل مايعسل او يدخن هذا كلام للاسف ينطبق علي لاني صارلي 3 سنين متخرج ومعي بكالوريوس برمجة وبدون وظيفة يسلموا ايديكي عالموضوع |
رد: من النـــــــــــا در جدا ؟؟؟ من النادر جداً ....ان يتخرج الواحد من الثانوي ويلقى وظيفة على طول من دون واسطه الله يعين ويوفق كل عاطل شكرا لك ع الطرح الجميل |
رد: من النـــــــــــا در جدا ؟؟؟ من النادر جداً ....ان يتخرج الواحد من الثانوي ويلقى وظيفة على طول من دون واسطه من النادر جداً ....من النادر جدا ان تنجز هاليومين معامله حكوميه من دون واسطه من جد والله كثير من تخرجو من الثانويه وهناك من تخرج من الجامعات وجالسين عاطليين موب قادرين يحصلوون على وظيفه،، وصحيح الواسطه صارت الحين اهي سيدة الموقف بدونها ماتوصل لشي الله يكون بالعون ويوفق الجميع يارب،، من النادر جداً ....انك تلقى طالب هالايام مايغش في الامتحانات ههههههههههههههه هههههههههههه من جد والله نادر او يمكن مافي احد مايغش صارو حتى الممتازيين يلجئوون الى الغش اذا احتاجووهـ موضوع رائع يعطيك العافيه يالغلا وفا |
رد: من النـــــــــــا در جدا ؟؟؟ من النادر ان تسير في الطريق السريع بدون ان تتلقى قسيمة سرعة من النادر ان تمر على صرافة الراجحي بالرويضة وتلقى فلوس من النادر ان تجد من يحفظ السر هذه الايام من النادر جدا وجود عضو مميز مثلك صمت المشاعر كل الشكر على النقل الموفق |
| الساعة الآن 02:17 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..