تريلـة قنص مجهزة 100% ((الرياض)) ............... . هلا والله بالغالين حياكم الله اليوم الموضوع وشوفة عيونكم في منتدى الصيد والرحلات وبيني وبينكم وانا مرة اتمشى في محل الرماية (( على شارع التخصصي )) شفت تريلة قنص كاملة مكملة والكامل وجه الله سواء من ناحية الحطب ولا توانكي الموية ، ولا توانكي البنزين ، ولا الديزل والتريلة ذي بيني وبينكم شفتها في تالي الليل ولا كان فيه احد يعطينا مواصفاتها ولا مميزاتها لكن اللي عرفته انها ديزل يعني ماتصرف ، وفيها تانكي بنزين 5000 لتر يعني تقريبا تعبيه فل بـ 6000 ريال وهالتانكي طبعا اذا كنت بتطلع بها لمكان مافيه لا محطات ولا هم يحزنون وطبعا تراها مجهزة بثلاجات ومبردات والسيارة دفرنسين يعون بعون الله مافيه اي امل انها تغرز ولا ادري كم سلندر هي لكن يعلم الله انها صدق سيارة وطبعا قيمتها 300000 ريال سعودي ريال ينطح ريال وعلى الطاري ، وانا اتفرج عليها جا واحد يناظرها وصادفت ان فيه مصري طلع لنا من المحل والمحل كان مسكر اظاهر يشتغل فيه قالو واحد ابشريها منكم وخذوا مني هالهايلكس دفعة اولى ------- المهم اللي يبي السيارة يبي يحصلها في محل الرماية اللي على شارع التخصصي وعلى فكرة الرماية عندهم ورش خاصة لتجهيز مثل هذا النوع ، يعني تجيب لهم جيب ولا اي سيارة ويضبطونها لك اخليكم مع الصور http://motayamshaqra.jeeran.com/me8na9/1.jpg http://motayamshaqra.jeeran.com/me8na9/2.jpg http://motayamshaqra.jeeran.com/me8na9/3.jpg يتبـع |
|
سلطان مشكور على النقل يالغالي تصدق تصلح نروح عليها الرمله والسواق مصيول الدليلة اكيد الطيب يالله من اللي بيخاوينا ترى القطة من 10000 ريال شاملة كل شي الا الاكل مده الرحلة شهر كامل |
ههههههههههههههه هههههههههههه لا واللـه رحنـا مدام مصيووول السسواق الخـوف يوديـنا لـ نمـار ههههههههههههههه ههههههه مشكــور أخوي ع ألمرور |
ولله ياسلطان السيارة ماهيب شينة لكن صدقني شنطة عزبتنا وغمر حطب سمر وكم جركل موية تسوى الشيء الكثير ,,,, |
الساعة الآن 02:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..