| LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
|
| ||||||||
فضائح مبتعثينا في (ماليزيا) ماليزيا بلد يجنن واللي يزورها اكيد ماعاد يدور على غيرها بنتي (العنود ) 4 سنوات كل ماتصحي الان من النوم تصيح علينا ودوني المسبح ودوني الشلالات ابي اركب القطار .وين يابنت ترانا رجعنا للرياض حتى التربان سكروها بالشبوك يعني اذا بتروح بعيالك للثمامه رح بهم لطعوس الشرقيه ارحم لك من الدوران على الشبوك هذي ارض فلان وهذا مخيم فلان وهذي ابل فلان وحنا يالمساكين لنا الله حتى الحزوم محرومين منها الا اذا وصلنا الصمااااااان !!!!!!!!!! في ماليزيا مبتعثينا من صغار السن يتسولون واذا شافوا السعودي ازرقوه وشلونك طال عمرك انت سعودي؟ تكفى ابي حق التاكسي برجع للسكن؟ طيب ويش جابك لشاعر بوكيت ملتقى العرب وتارك دراستك ؟ يتلعثم ويقول ابد جيت اشيك على حسابي او عذر ثاني . وفي كنتاكي وماكدونالدز والطربوش كل واحد مسوي لي فيها حبــّيب ومشبّك احد الاندونيسيات او الفيتناميات ويكب عليها من الكنتاكي لا ويوكلها بيده وشكلها يجيب المرض ووالله شفت بعيني تنغــّف خشمها وهو يبتسم لها لا ويوم راحت للتواليت لحقها بودي قارد حاط نفسه خايف عليها ههههههههه!!!! ويتكرر المشهد والضحية مبتعثينا صغار السن وعلاقات القير فرند واللي صاروا يتسولون بسببهن وما خفى اعظم !! وليت الاباء يزرقون لكوالالمبور وبيلقون عيالهم في شارع العرب وكل واحد مسوي لي فيها قيس ومع مين ؟مع ليلى الاندونيسية !!!! متى نعي مغبة الابتعاث لصغار السن حتى وان كانت جهة الابتعاث دولة اسلامية مثل ماليزيا ؟!!!!!!!!!!!! دمتم بخير
|
| |||||||||
رد: فضائح مبتعثينا في (ماليزيا)
ابوهلا اي والله صدقت الابتعاث مفروض يمنعونه والي يدخلها بواسطه ونسبته قليله ويروح يفلها هناك واهله مايدرون عنه ويجون عندنا ماليان فيهم الايداز ويكفينا ويكفي شر المسليمين من هذي الامراض والله يستر علينا وعلي جميع المسلمين والحمدالله عندنا جامعات اهليه وحكوميه شكرا لك ابوعبدالله
|
| |||||||||||||||||||||
رد: فضائح مبتعثينا في (ماليزيا)
الابتعاث للدراسة امر لابد منه ومن يعتلون المناصب القيادية بالاجهزة الحكوميه ومن هم قبلهم من مسؤولين ذهبوا للخارج وهم صغار وعادوا بالشهادات العليا الأسرة هي مربط الفرس (الوالدين ) كيف يزرعون المثل الساميه لدى ابناؤهم وليس منع الابتعاث والانغلاق عن الاخرين -دمت بخير تركييييييي |
| ||||||||
رد: فضائح مبتعثينا في (ماليزيا) كارثه عن جد .. راح يدور الفايده لقي المصايب زايده أولياء الأمور يا غافلين لكم الله ورى ما صورتهم يا بو هلا وسويت تقرير بالصحافة.. واجب عليكم تنبيه الآباء لمغبة أرسال فلذات اكبادهم للخارج. راح يدرس ولا رايح يفسح ليلي الأندونيسية ولا عبله الماليزية. حسبي الله عليهم لقوا هالصغار فريسه سهله لغاياتهم . ما نقول غير الله يحفظهم
|
| |||||||||||||||||||||
رد: فضائح مبتعثينا في (ماليزيا)
انا هارب من الصحافه ابي اجلس مع اسرتي بعيدا عن الهموم وضيقة الصدر ومع ذلك اوافقك الصحفي لا اجازة له كان ينبغي علي عمل ذلك وسوف اقوم بتسليط الضوء على موضوع الابتعاث وغفلة الوالدين -دمتي بخير |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الليلة .. اصطدام مسبار فضائي بسطح القمر | محمد | احتواء ما لا يحتوى | 3 | 13-06-2009 11:07 PM |
أستراحه في ماليزيا .... | hamo0ode | لُغَة الصور .. والكاريكاتير الساخِر | 9 | 16-11-2008 07:18 PM |
فضائح آل سعود / تنبيه عام وهام ,,,, | محمد | افق تكنولوجي | 17 | 21-05-2008 04:31 AM |
فضائح الشباب في اسمائهم ،،، | محمد | مساحة للضحك والفرفشة | 15 | 31-03-2008 02:58 AM |