عبد الحكيم بالله سلف 100 ريال السلام عليكم سنين واهالي الرويضه يعانون من صرافة بنك الراجحي في الآول كنا نعاني من الزحام والضغط اللي صاير عليها ونطالب في وضع مكينة زيادة واللحين شفنا كيف الوضع تدهور صاروا يتعمدون تعطيل الالآت من يوم الاربعاء حتى السبت يعني في الوقت اللي يكون فيه البنك مسكر كلمت مدير البنك اكثر من مره لكن دون جدوى وخاطبت فرع القويعيه وايضا وعود لكن باطله للاسف صرنا عايشين تحت رحمة الراجحي ومكاينه يعني اذا محتاج فلوس بوقت اجازة موظفين البنك مالك الا القويعيه ولا حلبان وعساها تكون مش عطلانه بعد :( لكن اللي بينحد يسافر ومامعه فلوس ترى عبد الحكيم اللي في بقالة العويني شقردي ويسلف :) |
رد: عبد الحكيم بالله سلف 100 ريال والله ماهي غريبه الهنود العمال يسلفون الموظفين فما بالك بصاحب بقاله !!!!!!!! للأسف البنوك تستعبد المواطن وتهينه قبل ان تعطيه حقه خاصة في المدن الصغيرة مثل الرويضة التي تتهرب البنوك من فتح فروع بها لحسابات الربح أولا اذا وجدتها مجديه فتحت لها فرعا واذا وجدت حسبتها خاسرة اكتفت بالفرجة والحل ؟ سحب الايداعات لدى الراجحي وتحويلها للبنوك الاخرى وغصب عليهم الصرافة تصرف لكل البنوك وعلى مسؤوليتي يتعدل الوضع --شكرا السهلي -- |
رد: عبد الحكيم بالله سلف 100 ريال كيف نتطور وكيف نبحث عن التطور،، ونحنُ نقف عاجزين عن عمل شيء لِما يحصل،، طيب الموظفين في إجازة ماقلنا شيء.... بس فيه أشخاص ممكن يوظفونهم فترة الإجازة... الحلول موجودة وكثيرة ولكن ماذا نقول...... الأستهتار له دوراً كبيراً في ذلك .. تمنياتي بتحسن الوضع قريباً .. . . Ham$$ el Shf@if |
رد: عبد الحكيم بالله سلف 100 ريال من جد مشكله كذا على المواطنيين بس ان شاء الله يتحسن الوضع وتشوفون الي يرضيكم،، يعطيك العافيه،، وفا |
رد: عبد الحكيم بالله سلف 100 ريال :) حلو سالفة عبدالحكيم هذا بس :( مبكيه سالفه البنك أذكر الاخوان كثير يتكلمون ويعانون من الضغط على هالماكينه ..والان معطله :( مو معقول .. أتمنى تنحل المشكله .. ولاتنحدون على عبدالحكيم :) ودمت |
رد: عبد الحكيم بالله سلف 100 ريال سهلي والله انها قهر يعني عبدالكريم احسن من البنك لزم يشفون لنا حل الله يعينكم |
رد: عبد الحكيم بالله سلف 100 ريال ههههههه عبدالحكيم لا وبعد أبو فاطمة بتموينات دبي والله رجل يفك أزمه أذا تعطل الصراف الحل موجود خلال الخميس والجمعه المفروض يكون فيه مناوبه اقل شي يعبون الصرافه دراهم ويمشون عشان ما تتوقف مصالح أهل الديره ياليت نشوف بنوك ثانية وتكثر الصرافات هذا اللي بنقوله شكرا لك سهلي |
رد: عبد الحكيم بالله سلف 100 ريال صحيح المواطنين تضرروا من الشي الحاصل واللي نشوفه اخر الاسبوع لكن الجميع عرف الشغلة هذي ويعمل حسابه احد الاخوان دق على الرقم المجاني وطلب المسؤل بتلك اللحظة ونقل معاناة المواطنين حتى الموظفين ما خلاهم في حالهم |
رد: عبد الحكيم بالله سلف 100 ريال سلام عليكم السهلي.. الله يعطيك العافيه على ماتقدمة من مواضيع لمنتديات في الرويضة < صديق لي يشتغل في بنك الراجحي وطلبت منه يسأل المدير حقه وش سالفه المكاين طبعاّ رد علي قال الراجحي لو طلب عشرين صرافه في الرويضة من بنك الرويضة يركبها بكراّ.. لاكن للاسف المدير ...بالرويضة يقولون انه مايرسل خطابات بمكاين جديدة في مواقع أخرى حسب مافهمت من صديقي..... يقول كلم المدير يرسل خطاب للفرع الرئيسي يكتب فيه طلب مكاين صراف في مواقع اخرى .. ويرسل البنك ناس مختصين يستأجرون أماكن للصرافات ويحطونها لنا .. وفي خدمتنا عشان كذا كلمُ مدير البنك والحل والربط في أيدينة وهو المسؤل عنها اجمل تحياتي علي عفيش |
رد: عبد الحكيم بالله سلف 100 ريال نعم هي معاناة نعاني منها في بنك الراجحي !!! لكن يقولون وش حدكم على المر قلنا اللي امر منه ! معاناة في اجازة نهاية الاسبوع و كذلك في نهاية الشهر عند صرف الرواتب |
رد: عبد الحكيم بالله سلف 100 ريال خوي الغالي سهلي صبحك الله بالخير الحقيقة انه شئ يؤسف له مسألة اجهزة الصراف الالية في الرويضة هذه الاجهزة دائما وليس غالبا تكون معطلة لا تقدم الشكوى على مدير الفرع طبعا لانك راح تشتكيه على نفسة وانما الشكوى كما قدمتها انا قبل اربعة ايام راح تكون عن طريق موقع الراجحي على الانتر نت كما هنا اقتباس:
ياليت كما ارسلت انا لهم شكوى ترسل انت وكل من يهمه الامر شاكر لك بادرتك على طرح هذا الموضوع |
رد: عبد الحكيم بالله سلف 100 ريال هلا والله كلامك صحيح اقتباس:
ان شاء الله يلقون لها حل |
رد: عبد الحكيم بالله سلف 100 ريال فعلآ معاناه كبيره 00 يعيشها الجميع من مواطنين ومقيمين 00 وعابري الطريق السريع 00 فكرة الاخ محمد السهلي رائعه اذا كانت ستثمر 00كذلك مشاركه رائعه من - المتميز بابداعه - - دائمآ ابونواف 00 وتبقى جميع الخيارات والحلول متاحه حتى يتم الانتهاء من هذه المعاناه أو (( المهزله )) بمعنى اصح نهائيآ 0 ومبدئيآ ارى ان افضل الحلول نقل الشكوى والمعاناه بشكل كامل وواضح وبشكل مفصل الى ادارة المركز الرئيسي بالرياض ومتابعة الموضوع حتى نهايته في اقصر مده ممكنه 00واذا لم يكن هناك تجاوب سريع نعمل جميع الطرق والحلول الممكنه الاخرى 0 وسانسق في هذا الموضوع من الان 00 وكل منا يشارك برأيه ومعاناته في هذا الموضوع 00لمراجعة الاداره بشكوى واضحه ومتكامله من جميع النواحي 0 عمومآ مشاركتي مجرد رأي قابل للتنفيذ وقابل للتعديل لما هو اكثر فائده 00ننتظر المزيد من ارائكم واقتراحاتكم 0 وشكر خاص للعضو سهلي على هذه المشاركه النافعه والمفيده للجميع والى المزيد من مثل هذه المشاركات التي تفيد الصالح العام اذا تفاعلنا معها بشكل عملي وكذلك المشاركه بالاراء والاقتراحات ا0 |
رد: عبد الحكيم بالله سلف 100 ريال الحل موجود اناكلمت على الهاتف المجاني للبنك وقال لي الحل ان يذهب اقل شي خمسه اشخاص من عملاء البنك ويقدمون شكوى لمدير الفرع على الصرافات العطلانه وكذلك على زياده الصرافات واذا مانفع الحل ناخذ كلام محمد وهونسحب حساباتنا لدي البنك |
الساعة الآن 07:37 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..