مجالس الرويضة لكل العرب - قصيدة ((((هذا الهوى)))) مهداة الى كل هواوي

مجالس الرويضة لكل العرب (http://www.rwwwr.com/vb/httb:www.rwwwr.com.php)

- نشيد الروح (http://www.rwwwr.com/vb/f37.html)

قصيدة ((((هذا الهوى)))) مهداة الى كل هواوي

هذه احدى قصائدي هديه مني لكل اعضاء المنتدى وزواره الكرام

واتمنى ان تحوز على اعجابكم

هذا الهوى بحرا" وغباته وساع = خلك حريص فيه لا تامن البور
أن طاب لك فبحر ولاتنصب شراع = وان جار خله منت قاويلك بحور
بتشوف فيه امواج وتواجه صراع = وخسايرك ايام وليال وشهور
كم من شجاع فيه عانا وبه ضاع = والي نجا ماهوب خالي من كسور
وكم واحد" قبلك من الجور ملتاع = دارت عليه وصار ماضي ومطمور
بتشوف فيه فراق بعد التجماع = وتظلم عليك ايام و ايام في نور
وبتشف به وآفي وبتشوف طماع = وبعض العرب مهموم والبعض مسرور
وان كان قلبك بالمعاسير جزاع = عزالله انك طحت ياصاح مقهور
لكن انا باشور في كل الأوضاع = وان طعتني ياصاح لاتترك الشور
شور ان خذيته مايبي كثرة اقناع = الدرب هذا صعب منته بمجبور
ولا صرت منتب يم الأشوار سماع= أليا وقعت احذر تشكى من البور

اخوكم

سيف بن مهنا السهلي

رد: قصيدة ((((هذا الهوى)))) مهداة الى كل هواوي

سيف بن مهنا

صح لسانك على القصيده الجزله

ولاهنت

رد: قصيدة ((((هذا الهوى)))) مهداة الى كل هواوي

سيف بن مهنا

صح لسانك و سلم احساسك و فكرك

رائعة حرفا و معنى

دمتَ بكل الإبداع

تحيتي و تقديري

رد: قصيدة ((((هذا الهوى)))) مهداة الى كل هواوي

لكن انا باشـور فـي كـل الأوضـاع
وان طعتني ياصـاح لاتتـرك الشـور
شور ان خذيته مايبـي كثـرة اقنـاع
الدرب هـذا صعـب منتـه بمجبـور
ولا صرت منتب يم الأشـوار سمـاع
أليا وقعت احذر تشكـى مـن البـور

قصيدهـ روعه بكل معانيها والاحلى احساسك فيها

صح السانك وسلمت يمناك،،

يعطيك العافيه،،

وفا

رد: قصيدة ((((هذا الهوى)))) مهداة الى كل هواوي

صح لسانك قصيده رائعه ..

دمت ودام أبداعك ..

وبأنتظار جديك

:

ودمت