إن كان تنشد عن علومي وانا صبي
 

إن كان تنشد عن علومي وأنا صبي = ابتذكـرهـا واعلـمـك عـنـهـا

لو هي بصفحات ٍ طواها الزمن طي = جرة مطـر جاهـا عجـاج ودفنهـا

ألعب طواريق الهوى مع هل الغـي = اثقـل المعنـى واخفـف لحنـهـا

والشعر يبقى في قلوب العرب حـي = ولا كل من سوى القصيـدة تكنهـا

وأنا حداها حدي الاصعـاب بعصـي = واقودهـا قـود الاديـب برسنهـا

والحب مردوده على صاحبـه سـي = كـم ضحكـة ونَـات قلبـي ثمنهـا

أذكر سنة تسعه وتسعيـن هجـري = الـف وثلاثميـة بدايـة زمنـهـا

زلت بي الاقدام للشمـس مـن فـيَ=اقـدار والاقـدار تومـر وتنهـى ّّ

غافل وجتني من كوت خافقـي كـي = كيـة عطـب لـولا طبيـب مكنهـا

ابعدت مضربها عن الصـدر بيـدي = ولدَت على كبـدي برمـح طعنهـا

وعرفت ماتخفيه في صدرهـا لـي = من واقـع النظـرات منـي ومنهـا

نظرت فيهـا مثـل نظراتهـا فـي = وعجزت اقاومهـا وصديـت عنهـا

كل النساء ظلماء وهي بينهن ضـي = غطت شعاع الشمس أشعـة بدنهـا

من الذهب تلبـس خلاخيـل وحلـي = سـود محاجرهـا وحمـر وجنهـا

مدري تسمى من ومنيـن ومـن أي = وش هي قبيلتهـا وموقـع سكنهـا

راحت وانا مااعرف من اخبارها شي=الا رمـوز الموتـر اللـي حضنهـا

مدينة من بيـن ابـو ظبـي ودبـي = لعلهـا كاننـهـا هــي وطنـهـا

تمطر عليها السحب هذي ورى ذي = وديـم الليـا قفـى تراهـا ودنهـا



للشاعر الكبير عبدالله بن زويبن الحربي

بيض الله وجهك ياشقران






عز الله قصيدة مافيها كلام





وصح الله لسانك ولسان الشاعر الكبير ابن زويبن الحربي








وقصيدة تعانق السحاب بجمالها وتركبتها








ووولالالالاخلا وووولالالاعدم

الغالي شقران صح لسانك وسلمت يداك على النقل الرائع

اختيار جزل من فكر جزل


دمت بصحةوعافية

صح لسانك شقران


ولسان الشاعر عبدالله الحربي


مشكور على القصيدة الجميلة