|
مديرة مدرسة عزباء تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟ قالت لهن باركولي تزوجت. قالن مبروك يامديرة ولكن منهو زوجك ؟. قالت لهن بصراحة زوجي هو زوج إحداكن. المدرسات تكفين علميننا أي وحدة منا ؟ قالت المديرة والله ما أعلمكن . المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال . وافقن المدرسات على الطريقة. ويوم جاء بكرا وكل وحدة مزهبه معها الدراهم. جت الأوله والثانية والثالثة والرابعة حتى العاشرة والمديرة تاخذ الدراهم . يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة . ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية . المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟ قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين . المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم . دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة . يوم طلعت لقنها عايدية وماصار شي وفلوسها أخذتها المديرة . قالن يابنات فيه وحده منكن ماخذت المديرة دراهمها ؟ قالن لا والله كلنا اخذت دراهمنا . ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟ قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد . قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا. |
رد: مديرة مدرسة عزباء ههههههههههههههه هههههههاااااي والله أنها روعه هالمدير ..وذكيه لعبت بأعصابهم .. وكسبت الأجر بنفس الوقت .. مشكور أخوي..saudi ودمت |
رد: مديرة مدرسة عزباء ههههههههههههههه هههههههههههههه ماشاء الله عليها المديرهـ ذكيه عرفت كيف تاخد منهم الي تبيه،، ههههههههههههههه هههه كانت تبي منهم ميه محد دفع ومن الخوف كل وحدهـ على زوجها دفعوو دبل الميه ههههههههههههههه هههههه ومنها كسبت اجر،، يسلمووو ع القصه الحلووهـ يعطيك العافيه،، وفا |
رد: مديرة مدرسة عزباء شكرا على هذه القصة الرائعة , وانا اتوقع الغيرة النسائية تسوي اكثر الله يدفع البلاء |
رد: مديرة مدرسة عزباء المديرة ذكيه مشاءالله عليها سعودي سلمت يمناك على القصه الرائعه |
رد: مديرة مدرسة عزباء خوش مديرة والله سلمت اخى الكريم لا عدمناك و لا عدمنا شلال روائعك |
رد: مديرة مدرسة عزباء سعودي حلوه القصة و حلو تصرف المديره الرائع ،،،، يعني صدقه با القوه شكرا سعودي |
رد: مديرة مدرسة عزباء والله شي حلووووووووووووو ووووه لكن جزاها اله خير شوف ميه عشان مصلى ما فيه لكن تبي تعرف من بتاخذ خمسميه والله شي |
رد: مديرة مدرسة عزباء ههههههههههههههه ه الله يجازيها الف خير ولله شي هالمديره مشاء الله عليها مشكور على طرحك الجميل |
رد: مديرة مدرسة عزباء إن كيدهن عظيم saudi كل الشكر للقصة الرائعة الهادفة دمتَ بكل الخير تحيتي و تقديري |
رد: مديرة مدرسة عزباء قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا. ههههههههههههههه ههههههههههههههه ههههههههههههههه ههه والله انها فلة هالمديرة قدرت تسحبهن على وجيهن ويدفعن 5 اضعاف المبلغ المطلوب وبروح راضية مشكور اخوي والله لا يهينك |
رد: مديرة مدرسة عزباء يا حيها هالمديره والله فطنه وذربه بننقل تجربتها للمديرات اللي عندناااا تسلم على القصة الطريفة |
| الساعة الآن 04:26 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..