سلطان بن محمد بن سعود الكبير وقبيلة السهول

قصيدة تشرفت بالقاءها امام الامير / سلطان بن محمد بن سعود الكبير
في الحفل الذي اقيم لتكريم ابناء قبيلة السهول المتفوقين درسياً : واليكم القصيدة

البارحة ليلي مثل جرهد البيد=خدٍ خلاوي ويتركّز غباره
يازين مشوار السهر والسراميد=والكون يسبح في فضاه ومداره
الشعر ونجوم السماء والبغاديد=خاويتها والصبح طال انتظاره
شرد المعاني كنها شرّد الصيد=يالله تجملني لزين العباره
وانك تجنبني جميع المناقيد=ولانيب احب الفلسفه والاثاره
في موقفٍ يحتاج عزمٍ وتاكيد=قدم الرجال اهل النقا والطهاره
جيت اتشرف واحبك القاف واجيد=وعزي لشخصٍ مابراسه نعاره
جنت فكري في المواقيف تجنيد=واليا احتمى الميدان رهن الاشاره
في العام عيدينٍ وذا ثالث العيد=بسمي وبسم اعضاء جميع الاداره
حييت يانسل النشاما الصناديد=يابن الشيوخ اللي زهتك الاماره
من باب صنعاء لين حزم الجلاميد=ومن بحر جده لين برقان واره
ترحيبهٍ تخلد مع الوقت تخليد=ياللي على شوفك نسوق البشاره
رغم ارتباطاتك وكثر المواعيد=شرفتنا ياسيدي بالزياره
لبيت دعوتنا وحددت تحديد=وطبقت نهج المصطفى مع مساره
تواضعك جسد لنا اليوم تجسيد=ان الوفاء طبعك وفيك افتخاره
دايم مع اهل العلم بالراي وتشيد=وتشيد باهل العلم تبغى انتشاره
وجسر التواصل بينا والتقاليد=ماهيب ضد العولمة والحضاره
دستورنا القرآن والشرع توحيد=واللي يحفظة يرفع الله وقاره
العلم ياهل العلم ماعنه تصديد=ومن يطلب العليا يواصل نهاره
ومشكور ياسلطان ونقول ترديد=رايتك بيضاء ياحفيد النماره
ذكرك يابن شقران خالد ابتمجيد=وسط الجزيرة مثل ضوء المناره
بالمختصر في القول لا انقص ولا زيد=اللي يحوش الطيب تظهر اذكاره
شخصيتك تبهر جميع القواصيد=راع النبط يعجز وتعجز اشعاره
سلطان سلطان السعد فاله سعيد=من يمدحة يحتاج فن ومهاره
هداج تيما لاجذبن المواريد=بحر الكرم له قيمته واعتباره
عضيد من ناشه من الوقت تنكيد=اللي من الحسرات ذاق المراره
وهو فزعة اللي حط في رجلة القيد=في غرفةٍ دونه خفير وخفاره
يفزع بجاهه طيب العرف ويعيد=ويعتق رقبة اللي بكبده حراره
عزمة مثل عزم الزناتي وابو زيد=حقق نجاحاته بعزم وجداره
يوم السبق للجيش والشوط تشديد=( شودة ) على المضمار فيها جساره
قامت تطوف ( الجيش ) رغم الحواسيد=مثل ( الوحش ) لامن كفخ في طياره
جابت لنا سيوف الشيوخ البواليد=وسيف ( الصباحي ) في الجريدة اخباره
ويوم ( الاصايل ) تجتلد داخل الميد=( جرد السبايا ) بين هجمه وغاره
راحن ( بنات الريح ) قدم العراجيد=دايم ( وابو نايف ) براس الصدراه
ويوم ( المزايين ) بدد المال تبديد=احياء تراث البادية وسط داره
روح التنافس شرط واضح وتفنيد=يعيش من هذي طلايع افكاره
حط الجوايز لنشاما الاواليد=وكلٍ شراله من قعوده عماره
وياللي تبيع البل وباقي المفاريد=ترا حياتك كلبوها خساره
البل عطايا الله ( وسفن الجراهيد )=انشهد ان الذود عز وتجاره
فيها الطرب لاهل الطرب والمقاصيد=لاصرت في روضٍ يشوقك خضاره
فيه ام سالم ترفع الصوت تغريد=خدٍ قفر مافيه غير الشقاره
لاروحت مثل ( النصوب ) الملابيد=هذي طراة العمر قبل اندثاره
ويالله ياللي تنشي اجيال وتبيد=ياهازمن جيش ابرهه بالحجاره
تحفظ وطنا من هل الحسد والكيد=الحكم ثابث والوطن في ازدهاره
في ظل ( ابو متعب ) عسى ايامه تزيد=رمز البطولة والوفا والنداره
حبه خذاله داخل القلب تعميد=مدري يمين القلب ولا يساره
يجرى كذا وسط الشرايين ووحيد=واكبر دليل ان صورته في الغماره
واخوه ( ابو خالد ) كعام المقاريد=لامن زما العايل يزلزل دياره
مافيه لاشجبٍ ولا فيه تنديد=من راسه المطنوخ يقدح قراره
وحنا ولانا سالف الدهر وبعيد=مع الامام ( الفيصلي ) احتكاره
واليوم نرفع رايه العهد تجديد= ( بسم القبيلة ) والتلاحم شعاره
انتم لنا مثل الجبل شامخ الحيد=وحنا لكم لاشب زند الشراره
لامن غدى في الوقت فوضى وتهديد=معكم على المخطي ونقصر هجاره
ومشكور ياسلطان ونقول ترديد=رايتك بيضاء ياحفيد النماره

وجسر التواصل بينا والتقاليد
ماهيب ضد العولمة والحضاره
دستورنا القرآن والشرع توحيد
واللي يحفظة يرفع الله وقاره

/
\

صح لسانك مليار يابو محمد

وابو نايف يستاهل أكثر

كل التحايا لك ياغالي

أبو محمد ::

ويش أقول وويش أخلــّي !!!!!

تقطعت يدين الحضور من التصفيق

وحقيقة تستحق مسمى شاعر السهول

ويأذني سمعت الامير سلطان يشيد بها

ويطلبها بالصوت وكان معجبا بروعة القصيدة

وجمال الالقاء تبي الصدق ؟؟

كنت لا فتا للجميع وشاعرا لايشق له غبار كانت ليلة الابداع

ويستاهل أبو نايف

سعد بن توويم


صح لساااانك ملااايين ولاهنت


ومن كلاام محمد السهلي


تمنيت اكوون من بين الحضوور


صح لساااانك ولاهنت


تقبـــلوا مروووري

	المشاركة الأصلية كتبت بواسطة متعبــ *عسا!افها* ــه

	سعد بن توويم صح لساااانك ملااايين ولاهنت ومن كلاام محمد السهلي تمنيت اكوون من بين الحضوور صح لساااانك ولاهنت تقبـــلوا مروووري

يامرحبابك يامتعب عسافها وياليتك كنت حاضر كان شرفت حفل ربعك وجماعتك






ولكن خيرها بغيرها يالذيب وصح الله بدنك ومشكورة على مرورك الجميل







ووولالالاخلا ووولالاعدم