((( هامـور الاسـهم )))
 

اخواني في المجالس



السلام عليكم ورحمة الله وبركاته



اليكم هذه المتواضعه



امل ان تحوز على رضاكم


/
\
/
\
/



لا يا وجودي وجد هامور الاسهم
اللي رصد فيها ثمانين مليون

باع الحلال وباع بيته ولا اهتم
ثم دبل التمويل يبغا يزيدون

ثم ارتفع سوقٍ بالاخبار معتم
اخبار مصدرها وكالة يقولون

ثم صارت الاسعار طبلون بي ام
لا ساقها ورع ٍ صغيرٍ ومجنون

بالسرعه المقرود دايم مكيم
كنه خذا مفتاح الاسهم وكيلون

وهامورنا مبسوط قام يتبسم
اصبح رصيده فوق ميتين بليون

وصار الامير وحوله الناس تلتم
يبون منه الجاه وللمال يبغون

امير كاش وفي المجالس يكرم
يقدمون الهيل وللحيل يفنون

هذا زمان المال فيه يتحكم
لا زاد مالك كل يوم ٍ يحيون

وان قل مالك مالهم فيك لازم
تصبح عديم النفع داشر وملعون

ومن عالي القمه الى اسفل الجم
انهار سوق المال باللي يتحدون

ثم صارت الشاشه مثل احمر الدم
كنها تغذت من شرايين شارون

ثم ضاع ماله يوم حلمه تهدم
لو يعرض للسهم ماعاد يشرون

والبنك ياخذ من حلاله ويعلم
ان الرجل بيصير من دون في دون

واصبح فقير وخالي الجيب معدم
بعد المعزه صار مفلس ومديون

وحتى القرايب حوله تنوح وتذم
واصبح وحيد وعنه دايم يصدون

ومن هول ماشافه برا حاله الهم
سكر وضغط وبالعصب جاه قيلون

كنه قريص الداب لا صابه السم
يسهر طوال الليل ضايق ومغبون

كل من سمع عنه يقوم يترحم
وفي حالة المرحوم لله يثنون

وامر الله المعبود بيتم بيتم
وامره ترى مابين هالكاف والنون

وجدي عليك اليوم مثله وتسلم
ياراس مالي صرت انا فيك مفتون

ادمنت حبك مثل مدمن على الشم
ليت الدقايق في غيابك يمرون

من شاف زولك صار للشعر ينظم
يكتب من جزال القوافي ولا يهون

ماترحم اللي عاشق ٍحيل مغرم
اليا كسب ودك كسب مال قارون

فاما وصال ٍ يجلي الهم والغم
والا فراق وكل هالناس يدرون





وتقبلوا تحياتي



.

الله الله يابو فيصل لله درك ياذيبان









وكلمات وحروف تدخل القلب بدون استاذان وصح الله لسانك وعلا شانك يانايف











وووولاتبخل علينا بالمزيد من هالنوعيات الفريدة والجميلة في نفس الوقت











وبيض الله وجهك

مشكور اخوي على مشاركتك الجميلة


هامور الاسهم كلمة تبعث في النفس الغثيان


الحمدلله انه لا يوجد عندنا قسم مختص في الاسهم


كان تحصل ضغطنا مرتفع والسكر نازل

نــايف السهـلي

صح السانك

وتسلم اخوي على هذه الابيات التي تشرح الصدر

في انتظار روائعك القادمه

تحياتي لك

ابو شيهانه

الله الله يانايف
عز الله انك ماقلت الا الصحيح في قالب شعري ولا أروع



صوره مع التحية لمنتديات الأسهم

صح لسانك يالقرم

هههه مشكور على الابيات الحلوه لاهنت اخوي

ايمان




صح بدنك




شاكر لك تواجدك





تحياتي



.

ابو محمد





ياهلا ومرحبا




زادني شرف تواجدك





صح بدنك





تحياتي




.

ابو نواف





ياهلا وغلا




لاهنت على ماقلت




صح بدنك




تحياتي




.

وعليكم السلام ورحمة الله

أخي

نايف السهلي

حس عذب وبلاغة تصوير

هذا ما وجدت في هذه الباذخة

صح لسانك ولا هنت


لك تحياااتي

دمت بود

صح لسانك اخوي

نايف


قصيده متكامله

سجل اعجابي

ولاتحرمنا

جديدك


ودمت

نايف السهلي....
كلمات رائعة و تصوير جميل....
سلمت اناملك الراقية على كتابتها....