|
في رأس الحجا أمس الضحى عديت روس الطويلات ......وهيضت في رأس الحجا ما طرا لي وتـسابقن دمـــوع عــيني غــــزيرات ......وصـــفقت بالكـــف اليمــين الشــمالي وجـــريت مـن خافي المــعاليق ونات ......والقـــلب من بين الصـــناديق جــالي واخوي اللــــي يم قارة (خفا) فــات ......من عاد من عــقبه بيســـتر خــــمالي ليته كــفاني ســــو بقـــعا ولا مـــات ......وانا كفـــــــيته ســـــو قــــبرٍ هــــيالي وليته مــع الحيين راعي الجـــمالات ......وانا فدا لـــه مــــن غـــبون اللــيالي واخوي اللـــــي يـــوم الاخوان فلات ......من خلـــقته ما قــال: ذا لك وذا لــي تبكيه هـــجن تالي اللــــيل عــجلات ......ترقــب وعــــدها يوم غــــاب الهلالي وتبكي على شــــوفه بني عفـــيفات ......من عــــقب فـــقده حـــرمن الــــدلالي عوق العديم إن جا نهار المــــثارات ......والخــــي ل مـــن حسّـــه يجيهن جفالي شالح بن هدلان |
رد: في رأس الحجا اقتباس:
صح لسانك ابو عبدالعزيز ولسان الشاعر بن هدلان |
رد: في رأس الحجا ابو عبدالعزيز صح لسانك ولسان الشاعر ولاهنت ع النقل |
رد: في رأس الحجا ابو نواف بارك الله فيك تركي يعطيك العافية ورحم الله الشاعر وكل أموات المسلمين |
رد: في رأس الحجا تبكيه هـــجن تالي اللــــيل عــجلات ......ترقــب وعــــدها يوم غــــاب الهلالي وتبكي على شــــوفه بني عفـــيفات ......من عــــقب فـــقده حـــرمن الــــدلالي صح لسان الشاعر ولسانك أخوي أبوعبدالعزيز أختيار موفق ودمت .. |
| الساعة الآن 05:32 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..