سواة الأيام

مساؤكم بهجة

متواضعة علها تجد القبول

يا خوك قلي وش سواتي بالأيام=اللي رداها لاحقن كل مخلوق
أزريت اسايرها وأصير عوام =وأزرت تصبرني ليا صرت مخنوق
دنيا رداها مبتليني من أعوام =الين خلت غالي الدمع مدفوق
مدري خطاها أو خطايا والآثام=تسج بي حزني على كل طاروق
لا جاتني تاتي من العام للعام=لا حال حولي جاتني ترعد بروق
تبّهر دلال التعب لو خاطري صام=تضيّف أحزاني على دافي الموق
تكفى دخيلك ما بقت لي من أحلام=راحت سنيني بين طارد وملحوق
ما كنها يا خوك من دين الإسلام=دنيا بلاها مطوقنّي كذا طوق
تحدني غصبا على لوم وخصام=وتسوقني وآنا مانيب مسيوق
إن قلت ابشكيها فلا نيب منلام=دام الردايا طاولت كل معلوق
أما تجيني كلها طيب وإكرام=وألا بجيها قارن الحق بحقوق

سلمت قلوبكم

صادق مودتي

إن قلت ابشكيها فلا نيـب منـلام
دام الردايا طاولت كـل معلـوق
أما تجيني كلهـا طيـب وإكـرام
وألا بجيها قارن الحـق بحقـوق


فما نفع الشكوى وهي تؤرجح مصائرنا كيف تشاء ؟!!

أستاذي / حمد الأسمري

ها أنتَ بعد غيابٍ تعود بتلكَ الرائعة تهدهد الحلم بالعتاب

مبدعٌ أنتَ دوما

دمتَ بكل الخير والألق

تحيتي وتقديري

تقى المرسي

كل الشكر لهذا الحضور البهي

من القلب

كوني بخير وسلام

تحيتي وودي

أما تجيني كلهـا طيـب وإكـرام ************* وألا بجيها قارن الحـق بحقـوق

صح السانك يالاسمري

وبيض الله وجهك ع هالقصيدة الجزله

تقبل مروري ودمت بسلاااااااااام

الغالي

الرسام

كل الشكر على مرورك العاطر

تقبل فائق شكري وتقديري

تحيتي