صحيفة أخبارية
عدد الضغطات : 43,875
منتدى المزاحمية العقاري
عدد الضغطات : 67,558
عدد الضغطات : 9,386
العودة   مجالس الرويضة لكل العرب > مجالس الرويضَّة الترفيهية > مساحة للضحك والفرفشة
 
 
LinkBack أدوات الموضوع إبحث في الموضوع تقييم الموضوع انواع عرض الموضوع
Prev المشاركة السابقة   المشاركة التالية Next
#1 (permalink)  
قديم 15-11-2006, 03:27 AM
آلعوٍد آلازٍرٍقـ
:: مشرف سابق ::
آلعوٍد آلازٍرٍقـ غير متواجد حالياً
لوني المفضل Cadetblue
 رقم العضوية : 47
 تاريخ التسجيل : 11-11-2006
 فترة الأقامة : 6426 يوم
 أخر زيارة : 24-07-2010 (08:27 PM)
 المشاركات : 1,043 [ + ]
 التقييم : 237
 معدل التقييم : آلعوٍد آلازٍرٍقـ رائع آلعوٍد آلازٍرٍقـ رائع آلعوٍد آلازٍرٍقـ رائع
بيانات اضافيه [ + ]
Talking ..شهــرزأد المعقليه..



يالله ان تحيي كلن بأسمه تحس انه شايب يقلط على العشاء في سماوه

داري يا اصدقــاي اكيد مشـتأقين لي كتيـر كتير يخزي العيـن يو مازينكم بس لاتنسونـأ بردودكم .. نرجع لكم ولسواليفكم بــــس في ملاحظه:
قصتنـا (حزينه) يعني كل واحد يجيب معه (مناديل كلينكس) واذا مالقاء يجيب (مناديل الديوان )نبي نشجع الصناعه الوطنيه
والرجــاء مراعاه فارق التوقيت ....

ابطــال هذه القصه:

1-توفيق موفق الله يوفق الجميع
2-النوري بن ماوفق الا جمع
3-الدبشه اخو النوري والظاهر ان امه متوحمتـ(ن) على قرد
4- صلاح السكيورتي (التفاصيل بالداخل)


الموقع:
غرب ساحه العدل يعني في (الديره )وراء المعيقليه شمال شارع التسباري




في كل يوم خميس يلبس الوزره و يروح صديقنا توفيق ساحه العدل اللي في الديره والمنطقه اللي ذكرناها قبل شوي متنفس لذوي الدخل المحدود يروحون هناك ويفرشون البساط ومافيه الا فصفص ومكسرات ومشتاقات الكراث وماشابه وان تسانهم اشوام جابوا المئدوس وماجر غصنه
وتوفيق يروح هناك يبيع بليله مغشوشه وكل يومين رايح جاي في البلديه وماشي الحال
وتوفيق كان نضره قوي يشوف اللي رايح بس اللي جاي مايشوفه وانواع الحواد ث
وفي يوم من الأيــام كان صديقنـــا
توفيق جالس في امــان الله وحس انه يسمع صوت كعب برتقاليه مقاس 39 ماركتها الخمبشي ليمتد ويطالع يمين الى ذا اللي تسنها مطرق خيزران تقول للقمر وخر وابجلس مكانك(توصيف العجايز اذا لقت وحده تبي تخطبها لولدها)
مرّت من عنده وطالعت في توفيق وراحت
توفيق من قوه الخقه قام يعضعض رجوله
ومن يوم مرّت من عنده وهو طاقته ام الركب ولايتحرك الى بكره بعد العشاء
توفيق طلع كنه ابو الهول لايتحرك ولايتكلم
ومن حسن حظ توفيق كان يعرف السكيورتي اللي يدور في المكان واسمه صلاح من مكه وساكن في منفوحه ماخذله دور ب4الاف وثلاثميه وجالس هو واثنين
من اخوياه ومعه شهاده متوسطه ليلي مزوره

توفيق يوم شاف صلاح راح له يطير مثل طرزان (حتى في بزر شافه وهو يطير وقال لأبوه : اريد ان اصبح مثل هذا)


توفيق: صلاح صلاح تكفى يا الأزرق
صلاح: ايش ازرق سكل ام انتا (يعني ثكلتك امك)
توفيق : صلاح ماشفت وحده لابسه كعب برتقالي
صلاح: لا شفت ثنتين لابسين كدايس
توفيق :لا تستهبل ضروري ياخي هذي غير
صلاح: غير غير غير ايه عرفتها جده
(في هذا الوقت توفيق بغى يسوي حركه الكابتن رابح ويشوت صلاح ظفر ) طيب يا توفيق ما في اختيارات

توفيق: لها صوت مشيه كعب ياخي تحس انها بتشوت بلنتي كلها رقه
صلاح: أي رقه واي شارقه شاربلك خروع انت
توفيق : الزبده مامر عليك هالكعب
صلاح: جلس يفكر مده طويله يمكن دقيقتين(لامده طويله)
توفيق : على فكره كان معها واحد بزر وراكب سيكل
صلاح: هي اللي سيكل اخوها فيه جنزير ولون السيكل ازرق مشمشي (عليه لون )
توفيق :ايه ايه تكفى تعرفهــا
صلاح: افا عليك... لاوالله ما اعرفهــا
ماكـــان من توفيق الا انه عطى صلاح( كف حلاقه )
رجع توفيق الى بيته والخيبه تكسوا محياه(ما ادري وش معناها بس تؤدي الغرض)
توفيق صار له 3 شهور كل يوم في الديره يدورها ولكنها ماتجي
وبينما هو غارقـ(ن) في التفكير في (شهرزاد منفوحه) جته كوره تمشي مليون والظاهر ان اللي شايتها الكابتن ماجد
توفيق قام بيمردغ ذا اللي شات الكوره والتفت الا بواحـد(ن) عمره تقريبا 11 سنه
قاله :اسف

توفيق كانت اخلاقه مقفله جلس ينافخ على البزر
البزر صار ينادي النوري النوري
جت النوري
البزر:
شوفي هذا ينافخ علي ويقول ياولد الشوارع وترا ابقول للشرطه (احتراف نصب ذا البزر)
توفيق توه بيلحق البزر بزبيريه لاكن ياللهول
توفيق كنه مرشوش بمريتوا واقف ولايتحرك
النوري يوم حست ان اللي قدامها خاق(ن) معها طقت علك (الصعرور) وجلست تطلع اصوات طق طق طق ططقطقق طق طق طططققطق
(النوري هذي مطيحه نص منفوحه ومقومه البطحاء والبرقيه ومعكال على رجل يعني العالم خاقين معها وتسمى( بفا تنه المعيقليه)
النوري امها وابوها ماتوا وهم في طريقهم الى الحج الظاهر حدهم باص وتقلبوا ولالقوهم الا على حدود السودان
تعيش هي واخوها ذا الدبشه والجيران مايقصرون عنهم و على قولتهم مستوره)

النوري : اللحين ماتقولي انت ووجهك وش فيك تنافخ على اخوي
توفيق: مازال مفعول النشاء مأثر فيه ساكت ويناظر
النوري: ترا ابحط اصبعي في عينك لو تنافخ عليه ثانيه
توفيق : منهو حبيبك غايتي بس اهنيه
على حسن حظه عشانه حبيبك
ياللي خذيت من الحلا كل مافيه
النوري : تقاطع توفيق وتنحاش
وتوصل النوري للبيت واخوها الدبشه يصيح ويقول كورتي كورتي هي مالها خلق تسولف مسكت اخوها وذبته من السطح
النوري دق قلبها وفز من توفيق ومن اللي قاله
------------
توفيق كان اسعد انسان في الدنيا وكان يردد ويقول: طاير من الفرحه طاير
النوري دخل قلبها توفيق وقالت هذا اللي حس فيني
ومع ا لأيام تطورت العلاقه

النوري وتوفيق صاروا يتقابلون يوميا وصار بينهم رسايل تراسله ويراسلها
توفيق والنوري صاروا كنهم جوز كناري كل واحد(ن) مايسمع بالثاني
وبعد سنه واربعه شهور على هالحاله قرروا الــزواج
توفيق خذ ابوه وامه وراحوا لأبوصالح هذا جار النوري وبحسبة ابوها الله يرحمه
وافق ابو صالح وقال من بيردك يا توفيق
من الفرحه توفيق قام يسوي حركه الفراشه
وقرروا ان يكون الزواج في حديقه (الفوطه)
تجهزوا للزواج ويوم جاء اليوم الي كان ينتظره توفيق والنوري من زمـــان
جو الناس وتعشوا وجاء وقت الزفــه زفوا النوري وهي في قمه السعاده النوري جالسه تمشي تبي تقطع الشارع علشان تركب السياره
وهي في نص الشارع جاء واحد و وطى على شرعتها بالغلط تدرون منهو هذا اخوها الارفل
المدعو (الدبشـــه)
جاء باص خط بلده معطيها عرق (<وسكي السعوديه) وصدم النوري واخوها
النوري نقلوها على مستشفى الشميسي واخوها
ماجاه شي قام مافيه الا العافيه
توفيق بغى يموت من الصياح على النوري وجلس يدعيلها طلع الدكتــور من غرفة العمليات
وقال توفيق : بشر يادكتور وش اخبار النوري
قال الدكتور: النوري ايه هذي للأسف حالتها خطره لكن ان شاء الله خير
توفيق ضاقتبه الدنيا
وجلس توفيق يدعي الى صلاة الفجر ان الله يشفي النوري
ومرت الساعات وبعد صلاه الفجــر وكان توفيق راجع من الصلاه سأل
الأستقبال وقالهم:
(وش صار على المريضه اللي اسمها النوري
قال موظف الأستقبـــال دقيقه ادورلك في الأسمـــاء جلس يقلب في الاسمـاء
النوري النوري النوري ايه هذي ماتت الله يرحمها
توفيق طاح مغمى عليه
صحى من الغيبوبه اللي استمرت ساعه الا ربع
وهو يصيح ويدعيلها الا أخو النوري الدبشه يناديه ويقوله وينك جالسين ندورك من زمان توفيق راح يركض ويحضن اخو النوري ويقول انت اللي بقيت من ريحة الغاليه
اخو النوري : أي غاليه وأي فتاق تعال النوري تبيك
توفيق يقول: في الجنه ان شاء الله
(ومن وراء الاستقبال النوري تطلع) ؟
كان تشــــــــــــا به اسماء
يعني .مــــا ماتت,
توفيق ماصدق ان النوري ماماتت
جلس يصيح ويصارخ من الفرحه هو والنوري والاستقبال مابقى احد ماصــاح ذاك اليوم
توفيق اخذ زوجته النوري وراحــوا يقضون شهر العسل في كــارفور والعزيزيه والدبشه معهم.

كل عام وانتم بخير وطولت عليكم يالله انا ابنحاش وبأمسك نعالي وبأرفع ثوبي قبل لا اتصفق

العـــووووود الازرقـــ < احلى طله .. يقــولون النقــل صنعه منقولـ




رد مع اقتباس
 

مواقع النشر (المفضلة)


تعليمات المشاركة
تستطيع إضافة مواضيع جديدة
تستطيع الرد على المواضيع
تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 09:35 PM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
- arab-line : Search Engine Friendly URLs by vBSEO 3.3.0 TranZ By Almuhajir
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010

... جميع الحقوق محفوظه لمجالس رويضة العرض لكل العرب ...

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

a.d - i.s.s.w