مجالس الرويضة لكل العرب - انـا احبه و ودي اهنيه

http://up.graaam.com/img/34353ff13f0...c92abcdc1e.jpg

أقسـم بربي لالمحته ألبيه
مدري سحرني ولا انا الي سحرته

المشكله ماله عناوين وآتيه
غير القصيد الي بقلبي حفظته

أقسـم بربي تل قلبي بتغليه
وانا خياله وسط عيني رسمته

الشكوى لله كيف اقدر اناديه
وبيني وبينه ناس ترصد حركته

مخي شبكته غصب معرف اطفيه
وليا اشتغل مع غير زوله فصلته

خله يجيني كان يقدر ويمديه
انا لو املك حل رحت ووصلته

بصب له فنجال حبي واقهويه
وان صب لي فنجال سم(ن) شربته

http://up.graaam.com/img/34353ff13f0...c92abcdc1e.jpg
ودي اسولف له عن الحال وش فيه
وكم واحدن بالطب رحت ونصيته

لكـن انـا احبه و ودي اهنيه
لانه اعز انسان شفت و عرفته

ليت الرسايل من يديني لـيديه
حتى المشاعر تكتب الي بغيته

مدري ابري النفس ولا ابريه
مدري سرقني ولا انا الي سرقته

وياعاذلي اتفل علانا مبا ابكيه
يمكن عقب تفلتك اصبح في بيته