لعنبو قصة غرام.. كلبوها كلمتين..

ابتدينا عند (احبك).. وانتهينا عند(باي)..

انتهى الموضوع كذا !!
وبكل سهولة تحكمين؟!

وين احبك؟ وين اريدك؟
وين ساكن في حشاي؟

يمكن انك ماوفيتي يوم جيتي تعشقين..
ويمكن انك تحسبيني بتبعك من دون راي..

ويكمن أصلآ"
ماعشقتي بس كنت تلعبين..
ويمكن انك ماوصلتي في هواك لمستواي..

ويمكن اني خنت نفسي يوم اعطيتك وفاي..
علميني في الهوى ياجاهلة وش تعرفين؟؟

تعرفين انك غديتي شي يجري في دماي؟!
كنت نايم في العسل وارسم الفرحة سنين..

كنت اظنك قلب عاشق ماسكن وسطه سواي!!
علميني في العطا والتضحية وش تفهمين؟؟

لعنبو حبك عشانك خليت اقرب اقرباي!!
كنت احطك في عيوني تسرحين وتمرحين..

كنت اشيل هموم قلبك وارمي همومي وراي..
كنت اطير من السعادة يوم اشوفك تضحكين..

كنت ذايب في هواك مثل(سكر وسط ماي)..
ماوعيت الا وانتي في خفوقي تطعنين!!

ماوعيت الا وسيفك بالحشا رايح وجاي!!
وردة ..اي والله وردة.. بس عرفتي تجرحين!!

كل شي فيني جريح الا فخامة (كبرياي)!!
ماتأثرت بغيابك.. وش يعني دمعتين؟؟

بكره أنسى- صدقيني وأرجع بكامل قواي..
ادري حنا افترقنا بس..ابفهم حاجتين؟!

علميني- وش كسبتي؟! وعلميني وش خطاي؟!
أصلآ الموضوع< كلمة> ماتعدى كلمتين!!

ألتقينا عند (أحبك) .... وأنتهينا عند (باي

منقولــ .. العـود الازرقـ

العـود الازرقـ

تصدق اني

ذايب في هواك مثل(سكر وسط ماي)..

ابتدينا عند احبك ولا راح ننتهي ان شاء الله

مشــكور اخــوي ابو نواف على المرور الكــريم وعلى الكلام الحلو .. اخوك العـود الازرقـ

العود الأزرق

شكرا للنقل الادبي


إيمان

مشكور اخـوي العود الازرق على النقـل الرائع

تحياتي لك


ابو شيهانه